Lúvva þig

Systa mín er soldið fyrir það að finna upp nýja frasa sem hún svo notar ofsalega mikið í nokkrar vikur eða þar til nýr frasi tekur við.
Þessa dagana er það "lúvva" þig eða þetta eða hitt. Ég lúvva hana sko alveg út af lífinu, hún er dásamleg. En ég lúvva líka vinkonur mínar.

Mikið þurfti ég á því að halda að hitta þessar frábæru vinkonur á laugardaginn og hlægja svona mikið eins og við gerðum. Ég hef ekki hlegið svona í margar vikur - enda búin að vera frekar leið og döpur, þreytt og pirruð, önug og niðurdregin í langan tíma. En þökk sé þessum dásamlegu vinkonum líður mér svo mikið betur núna.

Það var soldið fallegt og svo svakalega satt þegar Halla sagði: Það eru nú ekki margir sem fá sko ekki bara þrjár eða fimm eða níu heldur ellefu vinkonur í heimsókn til sín á laugardagseftirmiðdegi til að eiga frábæra, afslappaða stund saman. Ég er svo sammála henni.
Við erum ótrúlega ríkar að eiga hver aðra og finnast við svona skemmtilegar. Hvernig var ekki frasinn á laugardaginn? Eitthvað á þessa leið? "Hann væri góður ef hann myndi raka sig og liggja í bleyti í baðkarinu í svona viku til að skola af sér smá af brúnkunni."

Ég lúvva ykkur allar!