Þörf á nýrri færslu

Ég sit hér og horfi á Sögu rokksins á RÚV í nostalgíukasti, það er verið að fjalla um The Stone Roses (mitt uppáhaldsband ) og Oasis og Blur og Pulp og önnur bönd frá tíunda áratugnum (Stone Roses telst reyndar til þess níunda). Í huganum er ég aftur komin til Englands sem aupair þar sem ég eyddi öllum helgum dansandi á indí-klúbbunum í London við þessi bönd, 18 ára með gat í nefinu, í Camden fötum og lifði á bjór....já sú var nú tíð. En nú er annar tími og annað líf sem er ekki síðra, bleyjur og barnagubb, lítið dansað en bjór enn haldið hátt á lofti...................................................jæja þátturinn búinn, nostalgíukastið gengið yfir og tími á háttinn því ég verð vakin klukkan átta með barnahjali og brosi.