Jólakíló

Mér til mikillar sorgar (en ekki furðu) fékk ég 3 kg af fitu í jólagjöf. Ég ætla samt ekki að þiggja þau - ég vona að gefandi móðgist ekki við það að ég skili þeim í búðina!

Ég keypti mér jógadýnu um daginn. Rándýrt fyrirbæri svo ég verð að leggja hart að mér að nota dýnuna í nokkur skipti í það minnsta - svona uppí kostað alla vega. Þess vegna fór ég til OlluMögggu móðu minnar á föstudag og fékk lánaðan mynddisk þar sem Guðjón Bergmann leiðir áhorfandann í gegnum einfaldar (og flóknari) jógaæfingar.

Ég er búin að spila diskinn tvisvar. Samkvæmt fyrirmælum horfði ég bara í fyrsta skiptið en gerði æfingarnar með í annað skiptið. Ég verð búin að vinna fyrir dýnunni ef ég geri þrisvar sinnum í viðbót í janúar. Fylgist með ...