Bíó og furðusaga.

Mig langar svo svakalega í bíó í kvöld á myndina Litle miss sunshine sem er víst frábær. Er einhver memm??? (gæti alveg hugsað mér að sjá líka The Black Dahlia og Stranger than Fiction).

Ég fór í matarboð á föstudagskvöldið og partý á laugardagskvöldið og smakkaði samt ekki áfengi alla helgina. Svona er að búa í Grafarholti...þá þarf maður alltaf að vera á bíl.

Hattaballið á Hestakránni um þarseinustu helgi fyllti líka fyllirískvótann yfir árið held ég.....liggur við að ég sé ennþá þunn.
Fékk furðurlegustu viðreynslu frá karlmanni þar sem ég hef fengið...held ég (fyrir utan stutt á milli augnanna gæinn). Gaurinn er svona að gefa mér auga allt kvöldið og síðan býður hann mér upp í dans...ég þigg það enda ekkert á móti þessum gaur....eftir svolítinn dans og daðurfullt augnaráð stoppar hann allt í einu, lítur á mig og segir: "shitt ég er eiginlega bara hræddur við þig." Að þeim sögðum orðum sleppir hann á mér takinu og gengur í burtu og ég stend eins og eitt spurningarmerki eftir á dansgólfinu...fékk ekki nánari útskýringu á hræðslunni. En fannst þetta mjög fyndið. Hann þykist alltaf vera ægilegt karlmenni og svo er hann bara svona aumur.