Bara búin að negla þetta niður

Eftir smá vangaveltur ákváðum ég og Alla bara að drífa í þessu. Við sem sagt bókuðum bústað. Þar sem við verðum svona margar (ótrúlega skemmtilegt) þá ákváðum við að panta bústað í Heiðarbyggð því þar er svefnpláss fyrir átta og tvö hjónarúm sem gætu alveg rúmað þrjá í stað tveggja.

Svo niðurstaðan er þessi:
Staður: Heiðarbyggð, Hámói 1. (sama hús og fyrir tveimur árum).
Tími: Helgin 18.-20.janúar 2008 (ég gat bara ekki gert öllum til hæfis og úllaði bara, ég vona að allir geti reddað sér)
Mæting: Jana, Alla, Gugga, Inga, Halla, Kristín, Ósk, Bríet, Edda og Margrét.
Aðstaða: Gott aðgengi fyrir hjólastóla.
Kostnaður: 14.800 þessi bústaðir eru dýrari en í Ásabyggð.
Þema: í vinnslu.
Áfengi: .....DETTUM Í ÞAÐ......

....og svo verð ég að biðja ykkur bónar. Ég er nefnilega að fara til Ameríku og finn því duglega fyrir þessari upphæð á kortinu mínu. Það væri því gott að þeir sem eru pottþéttir á að koma myndu kannski læða ca. 1480 krónum (leyfilegt að námunda) inn á reikninginn minn, en það er miðað við tíu Sveinsínur. Þetta er nú ekki stór upphæð þegar henni er skipt svona :)

Takk svo mikið.
Janus bústaðarskipuleggjari með hálfu.

Hér eru svo smá upplýsingar:
Húsið er 87 m² með þrjú svefnherbergi, tvö með hjónarúmi auk barnarúms og eitt herbergi er með tveimur kojum. Stofa er vel búin húsmunum með útvarpi/geislaspilara og sjónvarpi.Þráðlaust net. Sængur, koddar og teppi eru fyrir átta. Ekki er séð fyrir sængurverum, lökum, diskaþurrkum og borðtuskum. Í eldhúsi eru öll algeng eldhúsáhöld og rafmagnstæki s.s. uppþvottavél, eldavél, ofn, örbylgjuofn, ísskápur, kaffivél, samlokugrill, blandari, vöfflujárn, þeytari og brauðrist. Barnarúm og barnastóll er í húsinu. Kolagrill og gasgrill fylgja húsinu. Stór 40m² verönd og heitur pottur er fyrir utan húsið. Í húsinu eru allar helstu hreinlætisvörur .s.s handsápa, uppþvottalögur, ræstiefni og salernispappír. ATH. Gæludýr stranglega bönnuð.