Sveinsína

Gleðilegt 2012

2012-01-01T17:05:00.000Z

22.nóvember 1978

2011-11-22T07:07:00.003Z

Þú hefur tilhneigingu til að vera feimin og ekki mjög ákveðin. Þú ert mjög gagnýnin á hvernig þú birtist öðrum. Þó að þú teljir þig vera óspennandi og leiðinlega ertu í raun mjög þýð, skipulögð, snyrtileg og mjög viðkunnanleg.Þú ert fullkominunnarsinni með mjög há viðmið og stundum geturðu verið ónærgætin í að benda á galla annarra. Þú ert mjög hafkvæm, skilvirk og allt hefur tilgang hjá þér og framkoma þín og útlit endurspegla þörf þína til að virðast þokkafull, tillitssöm og yfirveguð. Þú tekst á við aðra á skarpann máta, laus við óþarfa vitleysu. Aldrei löt eða eftirlátssöm við sjálfa þig, ertu yfirleitt mjög helguð vinnusiðferðinu.

19.nóvember 1977

2011-11-19T06:38:00.001Z

Áköf og margslungin að eðlisfari hefurðu afskaplega sterk tilfinningaleg viðbrögð við flesum aðstæðum. Þér er samt of mjög erfitt að tjá tilfinningar þínar. Þess vegna hefurðu tilhneigingu til að vera mjög þögul -- velta vöngum og hugsa mikið um lífið. Þú verður sjaldan reið svo á þér sjáist, en þegar það gerist þá ertu hamslaus og ósáttfús. Þegar þú skuldbindur þig tilfinningalega er það algerlega -- þú ert ekki hrifin af yfirborðskenndum eða kæruleysislegum samböndum. Ef þér er ögrað tekurðu því sem persónulegri árás og hefur tilhneigingu til að svara fyrir þig á hefnigjarnan hátt. Þú elskar ráðgátur og hið yfirnáttúrulega. Þú ert góður rannsóknarmaður og kannt því vel tða komast að rótum vandamála og þú nýtur þess að finna út úr því hvað það er sem kemur fólki til. Þú ert þekkt fyrir að vera viljasterk, mjög kraftmikil og frekar þrautseig!

Slaghamar

2011-11-09T00:31:00.000Z

þú gætir átt gufulest

bara ef þú leggur lestarteinana

þú gætir átt flugvél fljúgandi

ef þú kemur með bláa himininn aftur

allt sem þú gerir er að hringja í mig

ég skal vera hvað sem þú þarfnast

þú gætir átt Karlsvagninn

sem fer upp og niður og fyrir hornið

þú gætir átt klessubíl, sem klessir

þessari skemmtun líkur aldrei

ég vil vera slaghamarinn þinn

afhverju kallarðu ekki nafnið mitt

ó, leyfðu mér að vera slaghamarinn þinn

þetta mun verða vitnisburðurinn minn

sýndur mér um í ávaxtabúrinu þinu

þar sem ávextirnir eru eins sætur og verið getur

ég vil vera slaghamarinn þinn

afhverju kallarðu ekki nafnið mitt

þér er best að kalla á slaghamarinn

hvíla huga þinn

ég ætla að vera slaghamarinn

þetta getur verið minn vitnisburður

ég er slaghamarinn þinn

látum engann vafa leika á því

slag, slag, slaghamar

ég hef losað mig við vanann

haft hamskipti

þetta er nýja efnið

ég fer og dansa í, við förum og dönsum í

ó, viltu ekki sýna fyrir mig

og ég mun sýna fyrir þig

já, já, já, já,já, já, ég meina einmitt þig

bara þig

þú hefur verið á leið í gegn

ætlar að byggja þennan kraft

byggja, byggja þennan kraft, hey

ég hef verið að fóðra taktinn

ætla að finna krafinn byggjast upp í þér

koma nú, koma nú, hjálpa mér að gera

já, já, já, já, já, já, já,

já, þú

ég hef verið að fóðra taktinn

það er það sem við gerum, gerum

allan dag og nótt

Sporðdreki

2011-10-21T16:22:00.004Z

Goðsagan: Sumir vilja að við trúum því að sporðdrekar séu minna en yndislegt fólk. Þeir eru sakaðir um launingagjarnir og tortryggilegir með tilhneigingu til að næra öfund. Svo er sporðdrekum líka ætlað fullt af andfélagslegum venjum, til dæmis tilhneigingu til að vera dónalegir og tala opinskátt um forboðna hluti. Svo eru þeir víst líka kynlífssjúkir!

Sannleikurinn er ekki alveg svona einfaldur. Það er ekk að undra að sporðdrekar séu dulir. Hver vill viðurkenna að tilheyra stjörnumerki með slíkt orðspor? Það er mér þess vegna ágnæjulegt að troða niður þennan asnalega misskilning og leiðrétta viðhorfið. Sporðdrekar leggja ekki rækt við öfundsýki. Þeir eru reyndar mjög sáttfúsir. Þeir bara gleyma engu. Þeir eru ekki dónalegir, bara hreinskiptir, beintskeittir og lausir við tilgerð. Þeir gera ekki út á það að ganga fram af fólki, þeir eru soldið hissa á því hvað aðrir eru teprulegir þegar kemur að eðlilegri mannlegri hegðun. Hvað varðar að vera kynlífssjúkir ... ó, jeremías, ég er víst að verða búin með plássið.

Lykillinn að velgengninni: Þú kannski óttast að hafa degið lægsta stjörnuspilið ef þú ert fædd undir merki Sporðdrekans. En í raun hefurðu dottið í lukkupottinn. Áköf tilfinninganæmni þín er stundum erfið en hún er samt þinn mesti kostur. Ef þú treystir henni og ræktar einlæga þrá til að gera það besta í öllum aðstæðum ... mun allt í lífi þínu líklega verða fullkomið.

22.september 1977

2011-09-22T06:41:00.002Z

Rosalega varkár og aðgætin í eðli þínu kannstu að meta snyrtimennsku og skipulag umfram allt annað. Þú hefur háan mælikvarða á lífsgjæði og hegðun og þú krefst þess sama af öllum sem þú hittir. Stundu ertu svo ofurgagnrýnin að þú ert hreinlega smámunasöm. Þú handlagin og hefur hæfileika á því sviði. Þú hefur einnig áhyggjur af hreinlæti, snyrtimennsku og persónulegum heilsufarsvandamálum. Þú ert mjög líklega hraustari en þú heldur, ekki hafa svona miklar áhyggjur!

Þú ert einstaklega rökvís og kerfisbundin og það gerir þig svolítinn fullkomnunnarsinna - og það gerir þig hinn fullkomna einstakling til að sinna nákvæmnisvinna. En stundum kemur það fyrir að þú sýnir smáatriðunum svo mikla athygli að þú tapar heildarsýninni.

Meyja

2011-09-21T16:21:00.004Z

Goðsagan
um Meyjuna segir hana snyrtilega, siðprúða og smámunasama. Sérvitra og vandfýsna. Skipulagða og reglufasta. Þessi orð eru notuð þegar þeim sem fæddir eru undir merki Meyjunnar er lýst.

Meyur eru, segja hinir svokölluðu sérfræðingar, mjög uppteknar af smáatriðum. Þær gera lista, setja mörk, setja punkta og kommur, löghlíðnar, fara eftir reglunum og lesa smáaletrið.

Sannleikurinn er allt annar. Fyrst ber að nefna að gyðjan sem ræður Meyjunni er ekki tákn skírlífis heldur tákn frjósemi. Þetta er gyðjan Seres, uppskerudrottningin sem táknar allt sem er nautnalegt og auðugt. Meyjan er munaðargjarnt merki og Meyjur eru þægindaelskandi fólk. Þær lifa lífinu til fulls og þeim líkar að gera hluti eins vel og þær geta. Þaðan hafa þær orðsporið um að setja markið hátt og vera kröfuharðar. Það er satt að þær geta verið smámunasaman en bara varðandi hluti sem skipta þær máli. Og þegar sagt er að meyjan sé óþarflega tiltektarsöm og snyrtileg, ó, sumar eru það kannski en flestum nægir að vita hvar hlutirnir eru. Skipulag er andlegt ástand í huga Meyjunnar, ekki veraldlegt.

Lykillinnn að velgengninni ... Öll stjörnumerki eru að sjálfsögðu sköpuð jöfn. Stjörnufræðingur getur ekki sagt að sum merkin séu betri en önnur og betra sé að fæðast undir einu merki en öðru. En sko .... sjáðu nú til, ef þú ert viss um að enginn annar lesi þetta, Meyjan er mjög sérstakt merki. Það er nákvæmlega ekkert sem sá fæddur í Meyjunni þarf að breyta til að ná árangi í lífinu - annnað en að vera kannski, stundum, of sjálfgagnrýnin.

10.ágúst 1977

2011-08-10T06:40:00.002Z

Meira en lítill montrass elskarðu að vera í kastljósinu! En öðrum er yfirleitt sama því þeir njóta yfirleitt einlægrar hlýju þinnar og væntumþykju. Mjög fjörug og viljug, stolt og sjálfri þér mikilvæg á stundum krefstu þess að fara þína leið. Þú ert þónokkuð hreinskilin og virðing annarra skiptir þig miklu. Þú gerir engar málamiðlanir við sjálfa þig og þú vinnur að markmiðum þínum með þrautsegju og trúmennsku. Tignarleg nálægð þín og framkoma dregur þig í valdastöður og hlutverk leiðtogans. En gættu þín á að vera ekki of þrjósk, drottnunargjörn, yfirlætisleg eða með sýndarmennsku því annars muntu tapa þeirri aðdáun og góðvild sem þú nýtur. Mjög leikræn lifir þú lífinu eins og á sviði hvar og hvenær sem þú getur. Styrkur þinn og kraftur smitar aðrað og lífgar við þá sem umgangast þig.

Ljón

2011-07-21T16:20:00.003Z

Þjóðsagan um þá sem fæðast undir heitri afríkusólinni og tilheyra ljónsmerkinu segir frá einstaklingum sem birtast öðrum sem áberandi og frakkir en samt óneitanlega smekkvísir. Ljónið er hugrakt, djarft og fyrirferðarmikið, en samt einhvernvegin yfirvegaðra en hugleiðandi munkur og sjálfsöruggara en Geir Ólafs sjálfur. Ljónin eru, samkvæmt skólabókunum, ekkert annað en smart monthanar og kynþokkafullar stórstjörnur 24 tíma á sólarhring.

Sannleikurinn er samt annar.
Ó, ef bara þetta væri allt satt! Auðvitað er sannleikskorn í þessari lýsingu. Satt best að segja er meira en korn, það er kornhlaða. Samt er ekki milla, lækur og bakarý. Eða til að orða þetta á annan máta, ljón geta stundum verið allt þetta og jafnvel meira til – en, þrátt fyrir að heiminum henti ágætlega að ímynda sér annað, eru ljónin líka bara manneskjur. Ljón þjást, þau berjast í bökkum, þau leggja sig öll fram og ljónin klúðra hlutum jafnvel stundum. Það er bara að þau hafa eitthver yfirbragð hins fullkomna yfirvalds sem gerir okkur hinum erfitt fyrir að ímynda okkur slíkan skeikulleika. Jafnvel þegar ljónin brotna saman í táraflóði eða vaða í djúpum örvæntingar virka þau alltaf sem aðlaðandi, róleg og hæf.

Lykillinn að velgengninni Þó að þú sért fædd undir sól ljónsins hagarðu þér oft meira eins og kisulóra. Það er í fínu lagi í frítímanum en ef þú vilt ná fram einhverjum breytingum eða fá niðurstöðu sem er þér í hag þarftu að fara að læðupokast og urra. Í störnufræðilegri hefð er það sólin sem stjórnar þínu merki. Vertu meira eins og sólin – rís hátt og geislaðu!

15.júní 1977

2011-06-15T06:43:00.003Z

Þú hefur snöggan, bjartan og lipran huga en rosalegan athyglisskort. Þú dásamar síbreytileika tilverunnar en hefur tilhneigingu til að forðast (og jafnvel óttast) djúp, náin tilfinnaleg samskipti. Sem slík virðistu njóta ferðalaga og skoðunarferða, svona almennt að „vera á ferðinni“. Þú verður frekar áhugalaus þegaru hlutirnir í kringum þig staðna og verða flatir en áhugi þinn vaknar aftur hvenær sem þú örvast vegna nýrra hugmynda. Viðræðugóð, spurul og nokkuð gáskafull hefurðu gaman af prakkarastrikum, gríni og leikjum almennt. Þú skiptir oft og hratt skapi – þú ert mjög eirðarlaus og sífellt á hreyfingu. Þú ert þekkt fyrir fjölhæfni og sveigjanleika. Lífleg framkoma þín lífgar upp á allar samkomur.

Tvíburar

2011-05-21T16:20:00.003Z

Goðsögnin um tvíburana er sú að þeir eiga víst að vera mjög skrafgjarnir einstaklingar: alltaf í símanum eða einhverstaðar að gera samninga. Þeir eru, eða svo er sagt, góðir í viðskiptum og listinni að sannfæra. Þeim líkar að safna tilgangslausum upplýsingum og eru endalaust að spyrja spurninga. Því er líka haldið fram um tvíbura að þeir séu "tveir persónuleikar í einum", fullir af andstæðum og gjarnir á skapsveiflur.

Sannleikurinn er sá að tvíburar eru sannarlega upptekið fólk. Það er sjalgæft að finna aðgerðarlausan tvíbura. Þeir eru virkilega mjög uppteknir einstaklingar. Þeir eru forvitnir og hafa sérstaklega gaman af samtölum sem fela í sér upplýsingaskipti. Ekki allir tvíburar eru félagslindir samt. Sumir eru íhugulir og feimnir. Ekki eru heldur allir tvíburar sölumenn af guðs náð. Sumir hafa engan áhuga á viðskiptum. Allir hafa þeir samt svolítið keppnisskap. Þeir geta sjaldnast staðist það að sýna öðrum hvernig ætti að vinna ákveðið verk eða leysa ákveðið vandamál. Hvað varðar mislyndið, jú þá geta tvíburar verið fullir sólskins eina stundina en svo fullir af reiði þá næstu, en ég meina, hver getur það ekki? Það eina sem er sérstakt er hversu hratt þeir skipta skapi.

Lykillinn að velgengninni fyrir þá sem fæddir eru undir tvíburasól er að líta ekki á sig sem klofinn persónuleika. Tvíburi er einfaldlega sá sem getur sé báðar hliðar á öllum hlutum. Sveiganleiki er þeirra hæfileiki, að bregðast skjótt við og spyrja þessarar augljósu spurningar sem enginn annar virðist láta sér detta í hug, en gerir tvíburann sterkann í viðskiptumm ... og slíka manneskju er gott að eiga að sem vin.

19.maí 1977

2011-05-19T07:06:00.002Z

Þú ert þekkt fyrir að vera þolinmóð, hæg í hreyfingum og varkár -- þú elskar að draga á langinn og njóta ánægjustunda. Þú kannt að meta þægindi og þarft á þeim aða halda, sem og hlýlegs umhverfis. Gættu þín á tilhneigingu til að vera róleg og sjálfri þér nóg og að borða of mikið (sérstaklega sætindi).

Þú þarfnast kappsfullra aðstæðna til að vaxa og þroskast vel, þó svo þú reynir að forðast slíkar aðstæður. Kærleiksrík, jafnlunduð og sein til reiði en þegar þú kemst í tilinningalegt uppnám ertu líka sein til að fyrirgefa og það tekur tíma fyrir þig að ná fyrri kyrrð.

Þú krefst raunverulegrar útkomu úr öllum aðstæðum, þú átt erfitt með að skilja óhlutstæðar aðstður.

Þú ert mjög listræn og hendur þínar elska að móta og skapa hluti. Þú berð með þér jarðbundinn, líkamlegan kynþokka sem öðrum þykir mjög lokkandi.

Orð eru óþörf

2011-05-18T16:35:00.003Z

Spaugstofan: Júróvísjónþátturinn 1990 - 1. hluti

2011-05-10T15:04:00.000Z

Klukkan er nákvæmlega eitthvað rúmlega hálf níu ...

Spaugstofan: Júróvísjónþátturinn 1990 - 2. hluti

2011-05-10T15:03:00.000Z

Spaugstofan: Alveg týpískt júróvisjónlag

2011-05-10T14:59:00.001Z

27.apríl 1977

2011-04-27T05:55:00.002Z

Þú hefur tilhneigingu til að vera róleg, fálát, leyndardómsfull og stundum jafnvel illskiljanleg. Aðrir taka eftir djúpum tilfinningum þínum og geðbrigðum og velta því fyrir sér hvernig megi ná þér út úr skelinni. Þú ert þrjósk og hörð og tilbúin að berjast fyrir því sem þú trúir á. Þú ert mjög útsjónarsöm og ógnvekjandi þegar þú reiðist eða kemst í uppnám útaf einhverju. Þú nýtur þess að lifa á brúninni - í þínum huga verður að upplifa lífið af ákafa og að fullu. Þú ert hugrökk og tilbúin að taka vísvitandi áhættu. Aðrir særa þig auðveldlega en þú svara oft með bitri kaldhæðni. Viðkvæm og forvitin er þér umhugað um hina djúpu leyndardóma mannlegrar sálar. Ef þú hefur einu sinni fengið áhuga á einhverju eltist þú við það af miklum öfgum.

Naut

2011-04-21T16:19:00.004Z

Goðsögnin er sú að fólk í nautsmerkinu sé þrjóskt, hægfara og geðillt. Sagan segir að nautum sé kært um mat sinn en líka mjög kært um "matarlyst" á öðrum sviðum. Sumri vilja meina að þeir sem fæddir eru undir merki bolans séu haldnir söfnunarárá .. nei, söfnunarástríðu. Því er haldið fram að þeir í nautsmerkinu fái sig seint fullsadda af gæðagóssi og þeir fái alltaf það sem við viljum.

Sannleikurinn er sá að naut eru fullkomlega fær um að aðlagast, tileinka sér, stilla sig inn á afslappaða framkomu. Þau eru munaðargjarnt fólk sem kunna að meta gæði og virði hluta en það er ósanngjarnt að segja að þau séu efnishyggjusinnar. Fá eru eigingjörn naut - eða þau sem hafa bara áhgua á peningum. Í raun eru þau miklir hugsjónamenn. Nautið vill að sitt líf - og líf þeirra sem eru því kær - sé eins og best verður á kosið og ekkert mun stöðva nautið í að sækjast eftir því. Það er eiginlega bara í þessu atriði sem má segja að nautið geti verið þrjóskt, óhaggandi og virkilega ákveðið.

Lykill að velgengni fyrir þig ef þú ert naut, er að þú ættir að vera meðvituð um að stæsti kosturinn er eðlislæg réttlætiskennd þín. Þú finnur lyktina af svindli úr margra kílómetra fjarlægð og getur alltaf séð hvað er sanngjarnt. Þegar þú hefur lært að treysta þessari eðlisávísun leiðir hún, mistakalaust, þig að réttri gerð skapandi örvunar, bestu gerð veraldlegs metnaðar og snjöllustu gerð vináttu. Það eina sem þú þarft að gera til að ná árangri í líkinu er að treysta þessari góðu dómgreind sem þú hefur stundum tilhneygingu til að hunsa.

A man like me is dead in places other men feel liberated.

2011-04-11T23:45:00.005Z

Manni þarf ekki að finnast Elton John góður tónlistarmaður eða lagið gott til að njóta þess í tætlur að horfa á þetta myndband. Robert er hönk vikunnar!

Þegar lagið var gefið út og myndbandið gert var Robert nýbúinn að koma lífi sínu á réttan kjöl eftir áralanga baráttu við eiturlyf og drykkju, jafnvel fangeslisvist. Það gefur þessu verki einhvernig meiri dýpt því textinn og líf Roberts spila svo vel saman.

Deó deó

2011-04-04T18:21:00.004Z

Karl og kerling í sínu koti
kúrðu‘ og áttu einn svein, hann Hrein,
beljuhró geymt í fjósabroti,
Búkollu‘, og hún bjó ein.

Svo einn daginn var horfin kusa
og ekkert til hennar sést, né frést.
Þá var Hreinn sendur út að hnusa,
harður og til í flest.

Deó deó deó déo.
„Baulaðu búkolla ef þú heyrir!“
Deó deó deó deó.
En ekkert heyrðist, hann áfram lengra hélt.

Þegar hann hafði gengið lengi
með hælsæri kominn var og mar.
Aumar iljar og sára strengi
og stóð varla‘ í lappirnar.

Ef hann findi‘ ekki kusu‘ í hvelli
og kæmi óðara þeim strax heim
fengi‘ hann ráðningu og rassskelli
og rekinn burt frá þeim.

Deó Deó deó deó.
„Baulaðu Búkolla ef þú heyrir!"
Deó deó deó deó
„Baulaðu strax ef þú heyrir boffs í mér!“

Þá er baulað úr háu bjargi
þar Búkolla‘ er bundin við grót með fót.
litlu innar á loðnu fargi
liggur skessa ein ljót.

Strákur kemst síðan út með belju
og stikar í áttina heim, beint heim
en skessan vaknar og sýpur hveljur:
„Svei! Ég skal ná þeim tveim!

Hæ hó korríró,
ég skal ná ykkur skrattakollar!
Hæ hó korríró
það þýðir ekkert að sitja‘ og drolla.“

Þegar skessan var alveg að ná þeim sagði strákur: „Hvað eigum við að gera?“ Og þá sagði Búkolla: „Muuu, taktu hár úr hala mínum og legðu það á jörðina, verður það þá að svo stóru vatni að enginn kemst yfir nema fuglinn fljúgandi!“ Gerði strákur þetta og varð út þetta líka ekki smá vatn. Nú varð skessan alveg æf, hljóp heim í hellinn og kom með stóra bolann hans pabba síns og hann drakk allt vatnið í einum sopa. Nú var skessan alveg að ná þeim aftur, þá segir Búkolla: „Taktu hár úr hala mínum og leggðu það á jörðina. Verður það þá að svo stór báli að enginn kemst yfir nema fuglinn fljúgandi.“ Hlær þá skessan og lætur bolaótuktina pissa öllu vatninu sem hún drakk á bálið og slökkva í því. Þegar skessan var alveg að ná þeim einu sinni enn segir Búkolla: „Taktu hár úr hala mínum og leggðu það á jörðina. Verður það þá að svo stóru fjalli að enginn kemst yfir nema fulginn fljúgandi.“ Stoppar þá strákur og segir: „Ég er nú búinn að fá mig fullsaddan af þesssu kjaftæði í þér beljuskratti þarna. Taktu hár úr hala mína hvað ha? Þetta hefur ekkert virkað hjá þér hingað til. Nú tek ég til minna ráða.“ Skipti engum togum að stráksi hreinsaði hárin af halanum á Búkollu og stráði þeim í kringum sig. Spruttu þá upp heilu fjallasalirnir. Síðan hefur ekkert spurst til þeirra.

Deó deó deó deó
deó deó deó deó
deó deó deó deó.

25.mars 1977

2011-03-25T07:50:00.003Z

Þú elskar athygli og vilt að fólk sjái þig sem sterka, sjálfsörugga og ráðandi. Þú ert mjög stolt af sjálfri þér, stundum svo að jaðrar við hroka. Þegar allir aðrir í kringum þig eru útataðir og virðast vera að hrynja lítur þú út eins og drottningin af Saba! Mjög tignarleg og virðingarverð nýturðu valda og forréttindi sem fylgja leiðtogahlutverkinu en kærir þig ekkert um ábyrgðina.

Þú ert mikill hugsjónamaður en getur líka verið ótrúlega þrjósk. Ef aðrir vekja aðdáun þína verða þeir að vera heilsteyptir (en auður, völd og áhrif geta líka vakið athygli þína). Þú kýst ríkulegt og glæsilegt umhverfi og eigur og reynir að eignast fallega hluti eftir því sem buddan leyfir.

Líkamlega ertu aðdáunarverð - uppá þitt besta hefurðu konunglegt, heillandi yfirbragð og framkomu. Reyndu bara að vera ekki svona mikill montrass!

24.mars 1977

2011-03-24T06:53:00.004Z

Fólk þekkir þig af því að vera opin, hreinskilin, mannblendin og heiðarleg. Stundum ertu líka ónærgætin og lausmál. Þeir sem umgangast þig þurfa að læra að taka ekki persónulega öllu því sem þú segir því þú meinar ekkert með því sem þú segir og villt engum ill. Þú vilt lifa þínu lífi afdráttarlaust og á einfaldan máta - þér líkar illa kurteisishjal og telur það standa í veginum fyrir alvöru samskiptum.

Þú ert afskaplega orkumikil og hefur tilhneigingu til að verða eirðarlaus ef þér finnst þrengt að þér á einhvern hátt. Þú krefst frelsis til að gera það sem þú kýst - þú verður að fá að ráða þér sjálf, annars finnst þér þú föst og það skapar kvíða og streitu hjá þér. Öll þessi orka sem þú hefur nýtist frábærlega til útiveru, sem þú hefur yndi af, og þú ættir að dragast að líkamlegum æfingum eða íþróttum sem krefjast mikillar orku til að losa um eitthvað af þeim afgangskrafti sem þú hefur.

Þú er mjög félagslynd og nýtur þess að blanda geði við annað fólk - eðlislægur og einlægur áhugi þinn lífgar upp á hvaða samkomu sem er.

Hrútur

2011-03-21T15:18:00.004Z

Goðsögnin segir að fólk fætt í merki hrústins sé fljótfært, skapbrátt, hvatvíst, óþolinmótt og ómögulegt. Hrútar elska að skipa fyrir og þeir hata að láta segja sér fyrir verkum. Þeir eru óttalausir en tillitslausir, orkumiklir en óskipulagðir, stórkostlega óáreiðanlegir, dásamlega metnaðarfullir og síþyrstir í ný ævintýri.

Sannleikurinn Auðvitað er snefill af sannleika í þessum fullyrðingum en þar með er ekki öll sagan sögð. Við erum að tala um tilhneigð, ekki þörf. Margir sem fæddir eru í þessu merki eru skarpir hugsuðir og vandvirkir skipuleggjendur. Málið er bara að jafnvel hinir blíðustu, auðmýkstu og kurteisustu félagarnir í þessum félagsskap eiga sér "leynda hlið". Það mun alltaf verða eitt svið í lífi þeirra þar sem þeir geta hreinlega ekki hamið sig í að snapa sér "fæting", brjóta reglurnar og taka brjálaða áhættu.

Lykillinn að velgengninni Þú ættir að telja sjálfa þig njóta gæfu og guðs blessunnar ef þú ert fædd í hrútsmerkinu. Persónuleiginleikar hrútsins eru einstaklega notadjúgir og geta tryggt að lífið verður fullt af tilkomumiklum afrekum, ef nýttir rétt. Þú hefur nefnilega ótrúlegan viljastyrk og frumkvæði. Það er ekkert sem þú getur ekki tæklað ef þú reynir. Passaði bara að fylla líf þitt ekki af vandamálum og erfiðleikum, sem þú hefur tilhneigingu til að gera svo þú hafir alltaf eitthvert verkefni að leysa. Þú kannt því vel að lifa á brúninni en ... ef þú tekur kannski bara eitt skref aftur á bak myndirðu klára eitthvað sem þú byrjar á, sæir jafnvel eitthvað af verkfnunum bera ávöxt.

9.mars 1977

2011-03-09T01:47:00.002Z

Tilfinningar þínar eru mjög sterkar og aldrei yfirborðskenndar. Þú hefur tilhneigingu til að vera annað hvort mjög reið eða mjög leið eða algerlega ánægð. Skapsveiflur þínar eru djúpar, ýktar og það er ekki alltaf sem hvorki þú sjálf né þeir sem þú þarft að eiga við skiljið þessar sveiflur. Þú virðist hafa tilhneigingu til að vilja lifa á brúninni tilfinningalega þar sem þú teygir viðbrögð þín eins og þú getur, jafnvel þó að það geti endað með ósköpum. Þú verður afbrýðisöm auðveldlega og ert tortrygginn - gerir þónokkrar kröfur um að þér sé gefið tilfinningalegt öryggi. Þú ert góður spæjari og ert forvitin um djúpa og dularfulla hluta, sérstaklega mannlegt eðli og hvað knýr fólk áfram. Gættu þess að vera ekki vægðarlaus, ónærgætin eða ofurhreinskilin, annars gætirðu mætt rosalegri andstöðu frá öðrum.

8.mars 1977

2011-03-08T02:47:00.005Z

Þú færð ekki hugmyndir í röklegum fasa og hugsanamynstur þitt er óvenjulegt. Þú hugsar með tilfinningunum eða ímyndum sem frjósamt ímyndunarafl þitt hefur skapað. Draumar þínir og fantasíur eru þér ótrúelga mikilvægar í ljósi þess að þú ert mjög huglæg persóna. Þú treystir innsæi þínu og hefur tilhneigingu til að hafna hugmyndum sem eru eingöngu byggðar á rökum. Þú ert mjög hrifnæm, næm fyrir skapi og tilfinningalegu ástandi þeirra sem þú ert í samskiptum við.
Þú ert mjög umhyggjusöm manneskja en þú þolir ekki að vera bundin. Þú er meira en til í að vera hinn ákveðni í sambandinu eða upphafsmaðurinn að nýju sambandi. Því þegar þú hefur einhvern í sigtinu áttu til að elstast við viðkomandi mjög ákveðið og af krafti. En þú gerir líka kröfu um að fara þínar eigin leiðir í samandi. Reyndu að láta undan þörfum og þrám maka þíns af og til.

25.febrúar 1977

2011-02-25T08:08:00.002Z

Þú ert mjög tilfinninganæm og tilfinningarík og dregur tilfinningar annarra (hvort sem þær eru jákvæðar eða neikvæðar) í þig eins og svampur. Það þarf lítið til að koma þér í uppnám og þú hefur tilhenigingu til að gráta, enda tilfinningalega viðkvæm. Þú ert upp á þitt besta þegar þegar þú getur byggt umhverfi þitt upp þannig að þú ert umvafin jákvæðu, hressu fólki. Þú ert einstaklega hjálpsöm og skilningsrík og næm á þarfir annarra. Stundum getur þetta verið ókostur því þú vilt hjálpa öllum sem eiga bágt og þarnast hjápar. Feimin, dreymin, rómantísk í eðli þínu nýtur þú þess að hverfa inn í þína eigin draumaveröld. Gættu þess bara að týnast ekki í henni! Treystu innsæi þínu - þú gætir verið soldið skyggn!

23.febrúar 1977

2011-02-23T03:54:00.002Z

Þú ert viðkvæm í eðli þínu og kýst að vera í umhverfi sem þú þekkir. Þú ert varfærin og íhaldssöm og ef þú gerir einhverjar breytingar í lífi þínu þá gerirðu það mjög hægt. Þú hleypir ókunnugum ekki auðveldlega að þér. Vinátta þín er fyrir lífstíð - þegar þú hefur gefið hana má treysta þér til eilífðar. Móðir þín, æskuheimili þitt og fjölskyldulíf í bernsku eru þér mjög mikilvæg. Þú ert líka mjög tilfinningarík. Þegar sjálfstraust þitt er gott ertu blíð, gjafmild og gætin að þörfum annarra. En þegar þú ert óörugg eða finnst þér ógnað áttu til að verð ofurviðkvæm fyrir gagnrýni, feimin, til baka og mislynd. Þú hefur sterka þörf fyrir öryggi - þörf fyrir að finnast þú elskuð, vernduð og að fyrir þér sé séð.

Fiskur

2011-02-21T09:21:00.002Z

Goðsagan af fiskum
Fiskar eru, eða svo segir sagan, hugsandi, duttlingafullir draumóramenn sem búa í Rugluborg í Skýjunum. Sumir segja að þeir sé einfaldlega ekki búnir krafti rökugsunar því þeir eru verur sem hafi bara eðlishvöt. Fiskar eru víst óáreiðanlegir, áhrifagjarnir og bjargarlausir og afskaplega hrifnir af dópi og búsi.

Sannleikurinn:
er sá að þetta eru bara goðsögur. Ekkert bendir til þess að fólk fætt i fiskamerkinu hafi meiri tilhneigingu en meðal-Jóninn til að láta undan lönguninni í eiturlyf og önnur hugbreytandi efni. Fiskar eru samt, vilja sumir meina, í alvöru gáfaðir og gæddir ótrúlegum hæfileika til að leysa flókin verkefni. Alment eru fiskar einbeittir og góðir í afleiðum. Vanmatið í garð fiska kemur til af því að flestir sem fæddir eru í merkinu eru opnir fyrir nýjungum. Þeir eru tilbúnir að hlusta á öll rök, taka alla möguleika með í reikningin og skoða allar uppástungur og hugmyndir. Fiskar eru hugmyndaríkir og sá eigileiki fer yfirleitt í taugarnar á þeim sem eru ekki frjóir í hugsin og sjá ekki hugvitssamar lausnir á verkefnum.

Lykillinn að velgengni
Að vera fiskur mekri að hafa eðlislegt, óskeikullt auga fyrir því mögulega og ómögulega. Að geta farið auðveldlega um jaðar beggja sviða og niðurstaðan verður töfrum líkust. Ef þú, sem fiskur, vilt ná meiri árangri þá er leyndarmálið einfalt. Hunsaðu gagnrýnisraddir þeirra sem eru of vitlausir til að kunna að meta þessa breiðu sýn sem þú hefur.

Ekki beint til að halda mér við efnið

2011-02-06T20:08:00.006Z

Mikið er ég þakklát fyrir að vera ekki lengur virkur "facebook"-notandi. Þá væri ég búin að overdósa á stöðuuppfærslum vegna lagalistans sem ég er með í botni í heyrnatólunum. Ég þykist vera að læra og það gengur svo sem ágætlega ... að læra sko ... svona utan þess að stóllinn liðast örugglega í sundur undan iðandi rassinum á mér áður en kvöldið er úti.

Ég var að flakka í gegnum sjónvarpsrásirnar í nótt og heyrði gamalkunnugt stef og ég bara varð að sækja lagið á netið. Það vatt auðvitað upp á sig og í stað þess að vera bara þetta eina lag sótti ég ein 25-7 lög sem eru hvert öðru fjörugra og dansvænna. Löginn og þar af leiðandi listinn eru öll í anda ný-árs fagnaðar okkar en sum þeirra hef ég ekki heyrt í nokkur ár og þarf því að dilla mér extra-mikið við hlustun.

Ég er svo mikið nörd að ég var næstum byrjuð að skrifa "smásögu" úr titlum laganna ...

Upp er runninn föstudag

2011-01-14T07:08:00.001Z

ákaflega skír og fagur.

Skundum nú í ferðalag

syngjandi þennan litla brag.

Sumarbústað við ætlum í

hver með sitt stóra hár.

Gleðjast heitum potti í

vinkonurnar ár eftir ár.

Halla

2011-01-13T10:03:00.000Z

"Þú ert alltaf í prógrammi" - fram í maí
obbobbobb - karlmaður í bollanum, bara fjótlega - ást við fyrstu sýn - "ef þetta gerist ekki áður en febrúar er liðinn kann ég ekki að lesa í bolla"
En ... maí, þá er bara allt stopp, e-t ákv.vesen með gæjann - allt gengur vel en svo kemur að ákvörðun
"Miklar tilfinningar Halla" (og Halla roðnar)
"Mér finnst þetta bara svo fallegt" segir Ósk
Hann á líklega barn frá fyrra sambandi

Inga

2011-01-12T08:54:00.000Z

Margt fólk
Annríki frammundan
Jákvæðir hlutir að gerast
Á eftir að ganga vel í vinnunni
Finna sína hillu í vinnunni
Samt í sumar verða breytingar, söðlar um, gerir eitthvað nýtt
skiptir samt ekki um vinnu, en samt stór breyting - varir soldið tímabil og verður gott andlega, verður upplyfting, ekki mjög gott fjárhagslega
Síðla árs er möööööguleiki á einu tippi - einhver náin tenging við yngri mann

Margrét Harpa

2011-01-11T11:50:00.000Z

Upphaf og endir ársins eiga eftir að tengjast á táknrænan hátt. Það sem er í gangi á eftir að "meika sens"
Ekki lokið - tekur langan tíma (finnst þetta ekki tengjast veikindum, meira fjárhagslegar áhyggjur. Hlutirnir eiga eftirað verða soldið strembnir. Kemur e-ð óvænt eins og tveir gjalddaga eða - verður búið svona í apríl en tekur á ssambandið og hjónabandið, ekki gleyma því, ekki gleyma að rækta það
Mikið fólk, mestur hluti seinni sex mánaða ársins verður heldur tíðindalítill
Í lok árs mun allt smella saman og "meika sens"

Kristín

2011-01-10T09:48:00.000Z

Mikið af fólki - vá, bara rosalega mikið
Engin brúðhjón
Rannsókn, verkefni
Annan fótinn hér, hinn í útlöndum
Gengur allt svo vel, svo ótrúlega vel og Ósk hefur engar áhyggjur af þessu
Svo sá hún líka eitthvað sem ekki var sagt upphátt

Alla

2011-01-09T10:43:00.000Z

Veikindaár, jafnt líkamlega sem andlega
Mjög mikið að gera þar til í vor (2010)
Skólinn á eftir að ganga vel
Það vakir yfir henni engill
sumarið verður annríkistími (skipuleggja tímann, pæla í því hvað hlutirnir kosta)
Ánægjulegt og skemmtilegt sumar
Svo byrjar fjörið aftur í haust en hún mun samt líklega minnka við sig
Svo eru tákn sem Ósk skilur ekki, Alla við rólur í lok bollans og svo þrír krossar í lok bollans - kannski heilög þrenning? Trú, von og kærleikur?

Bollar

2011-01-08T18:48:00.005Z

Það hefur skapast hefð fyrir því að Ósk lesi í bolla fyrir okkur þegar farið er í bústað. Yfirleitt eru spárnar spennandi og skemmtilegar og mjög fjörugar umræður skapast um það sem birtist í bollunum.

Á meðan kaffið rennur í könnuna, við drekkum úr bollunum og bíðum þess þeir þorni reynum við yfirleitt að rifja upp það sem kom í bollana síðast og hversu mikið af því hafi ræst. Við eigum líklega allar sögur af því að Ósk hafi séð hitt og þetta í bollunum okkar, t.d. var Ásgeir Skarphéðinn í bollanum hennar Ingu, skilnaðurinn hennar Kristínar, veikindin mín og ýmislegt annað fróðlegt og áhugavert.

Í janúar 2010 tók ég upp á því að skrifa niður helstu atriði sem komu fram í bollum Margrétar, Kristínar, Ingu, Höllu og Öllu. Gugga var búin að fá sinn lestur þegar hugmyndin kom upp og þess vegna er hennar spá ekki í stílabókinni. Langar ykkur að sjá hvað við skrifuðum eða hafa vanan á og reyna að rifja það upp í sameiningu í bústað? Ef áhugi er það munu þeir spádómar birtast hér á síðunni næstu daga og dæmi nú hver fyrir sig hvort eitthvað hafi komið fram af því sem spáð var ...

Sumarbústaður - upphitun :o)

2011-01-05T19:10:00.002Z

Sætar Sveinsínur í sumarbústað 2010

Nú árið er liðið ...

2010-12-28T21:57:00.008Z

... eða allt að því. Kominn tími á andlitslyftingu og uppfærslur á heimasíðum barnanna, það fjölgar og fjölgar í hópnum og er það vel!

Senn líður að áramótum og þá er mannasiður góður og gegn að fara yfir farinn veg og rifja upp liðna atburði, leiðinlegasta og skemmtilegasta. Við í fjölskyldunni minni leikum þann leik alltaf yfir borðum á gamlárskvöld og förum yfir það sem okkur þótti leiðinlegast á árinu og hvað var skemmtilegast. Um það skapast yfirleitt fjörugar umræður og hávær hlátrasköll berast langt út á götu. Það sem mér þykir best við þennan leik er hvað það verður augljóst að þetta leiðilega sem maður lendir í gleymist fljótt en allt það skemmtilega sem hefur gerst á árinu lifir í minningunni og vekur gleði og samkennd í hópnum.

Ég veit ekki alveg hvernig það verður þetta árið því nú eru liðin tíu ár frá því pabbi minn dó. Mér þykir reyndar líklegt að við rifjum upp skemmtilegar sögur af honum og tölum um hvað hann var góður pabbi og hlýr og umhyggjusamur. Það er nefnilega þannig að fyrir margt er að þakka og margs er að minnast. Það má jafnvel þakka fyrir við söknum hans því það merkir að hann var okkur mikilvægur og skipti okkur máli. Það væri fátæklegt að hafa einskis að minnast og einskis að sakna.

Það er nú þannig að ég er ekki mikið partýdýr á gamlárskvöld, hef aldrei verið það (utan hins frábæra (og minnistæða) partýs á Grettisgötunni hér um árið!). Við erum meira í því að vera saman fjölskyldan og njóta þess. Við borðum góðan mat, drekkum góðan drykk, hlægjum og grínumst, fíflumst og höfum gaman. Við kaupum nokkur stjörnuljós af björgunarsveit (nema Maggi frændi, Steinar Páll og Steinn Vignir, þeir kaupa eitthvað fleira og stærra og dýrarar - en af björgunarsveit þó, vona ég) og fögnum nýju ári og bjóðum það velkomið, kyssumst og föðmumst og þökkum fyrir hvert annað ...

... svona eins og ég kyssi og faðma sveinsínurnar mínar og þakka fyrir þær og allar dásamlegu samverustundirnar, samtölin, grát og hlátur, gleði og sorgir, vonbrigði og árangur sem við eigum saman. Þess vegna vona ég að þið komið í leiðinlegast og skemmtilegast með mér. Ég skal byrja ...

Desember

2010-12-06T23:46:00.005Z

Alveg er það dásamlegt hversu kalt hefur verið suma undanfarna daga en ég á erfitt með að venjast þessum rosalegu sveiflum í hitastiginu, það er kannski fimm stiga frost einn daginn og svo fimm stiga hiti þann næsta. Svona sveiflur þurrka á mér húðina og gera mig skorpna og skringilega.

Desember er námsmatsmánuður hjá skólafólki, verandi það nemendur jafnt sem kennarar. Skemmtilegur mánuður en lýjandi fyrir báða hópa. Þess vegna er ómissandi og ómetanlegt að hafa eitthvað til að gleðja sig við og hlakka til, eitthvað sem hressir mann við í skemmdeginu og nærir sálina. Og hvað er betra en dagur í faðmi og félagsskap vina sinna? Hlakka til að hitta sveinsínur á Selfossi á sunnudag!

Lopapeysur og "landi" :o)

2010-07-03T16:31:00.003Z

Sælar kæru Sínur!

Við sveitagellurnar í hópnum hittumst eina kvöldstund og fengum við þá snilldarhugmynd að stefna Sveinsínum og þeirra ekta mökum saman í útilegu með þemanu "lopapeysur og landi" :o) Helgina 13. - 15. ágúst verða Töðugjöld á Gaddstaðaflötum á Hellu og langar okkur að vita hvernig sú helgi/staðsetning henti? Hvernig líst ykkur á? Er ekki kominn tími á að makar Sveinsína kynnist aðeins betur?

Kveðja,
Sveitasínur

Ho capito che cos'era importante ...

2010-05-02T23:54:00.000Z

Þetta lag er frá því 1971. Yndislega dásamlega falleg og tregablandin ballaða sem lýsir svo vel
þeim tilfinningum sem bærast í brjósti mér þegar ég hugsa til þess sem aldrei varð
á milli mín og Denis. Þetta er í raun lagið okkar. Buon compleanno tesoro mio!

Secrets

2010-05-01T23:28:00.001Z

And every day I see the news, all the problems that we could solve and when a situation rises just write it into an album, seen it straight to go, I don't really like my flow, no, so ...

A day in the life

2010-04-02T09:35:00.003Z

Lag dagsins: „Ég las blöðin í dag, vá maður. Þar var frétt af heppnum manni sem hafði náð markmiðinu. Og þó að fréttin hafði verið frekar sorgleg gat ég ekki varist hlátri, ég sá ljósmyndina. Hann hafði skotið sig í hausinn í bíl. Hann hafði ekki tekið eftir því að það var komið grænt. Hópur fólks stóð hjá og glápti á. Fólkið hafði ekki séð hann áður og enginn vissi hvort hann væri þingmaður.
Ég sá bíómynd í dag, vá maður. Breski herinn hafði unnið stríðið og hópur fólks snéri sér undan en ég gat það ekki, varð að fylgjast með því ég hafði lesið bókina. Mér þætti gaman að koma þér til.
Vaknaði, datt framúr. Dró greiðuna í gegnum lubban, rataði fram í eldhús og fékk mér kaffibolla. Svo leit ég á klukkuna og sá að ég var orðin sein svo ég fann úlpuna og grep húfuna, náði strætó á sekúndunni. Rataði rétta leið upp á loft og fékk mér smók. Og einhver talaði og ég féll í dá. Ahhh.
Ég las blöðin í dag, vá maður. Fjögur þúsund holur í Hveragerði, Ölfussi. Og þó að holurnar hafi verið frekar litlar þurfti að telja þær allar. Nú vita þeir hvað þarf margar holur til að fylla Hörpu, tónlistarhús. Ég hefði gaman af að koma þér til.“

En að öllu gamni slepptu þá las ég blöðin í dag. Sá eina jákvæða og hvetjandi umfjöllun. Frakkar eru yfir sig hrifnir af Jóni Kalmann rithöfundi. Það er æðislegt! Svo las ég líka jákvæð og hvetjandi orð um Pál Óskar og hvað hann er glaðlegur og bjartsýnn, til í að líta í eigin barm og bæta sig sem manneskja frekar en að benda á aðra og tala um hvað þeir eru ómögulegir og geri margt vitlaust.
Ég átti mjög skemmtilegt símtal í vikunni. Við Eddu Kamillu. Við rifjuðum upp hvað var gaman hjá okkur á Akureyri fyrir ári síðan og hlógum. Töluðum um hvað við hlökkum til að hittast á Akureyri aftur í loka apríl og brostum. Svo er Edda að fara til Færeyja. Hvílík heppni. Það verður örugglega æðislega gaman.
Ég fó á Selfoss fyrir viku síðan. Í kjóla-og barnaferð. Mamma hennar Jönu var svo mikið æði að sauma á mig fermingarkjólinn og ég fór í heimsókn að skoða afmælisgjöfina mína, hann litla sæta Guggu og Sigga son. Jesúminn hvað hann er fínn og lítill og fullkominn. Og ég fór að hitta tvíburana. Kristinn Guðni svaf allan tímann en Gestur Ingi er sko vinur minn. Það er frábært að fá Möggu Steinu heim.
Ég er með lítinn hvolpastrák í heimsókn hjá mér. Hann heitir Moli og er fjögurra mánaða pomeranian smáhundur. Ég var að velta því fyrir mér að fá mér hund og var svo heppin að fá hann lánaðan til að máta. En hef eiginlega komist að þeirri niðurstöðu að þetta sé ekki fyrir mig. Held ég bíði þar til ég hef efni á að kaupa mér Hvítan hálending, hann er nefnilega góður með börnum og það er hægt að kenna honum listir.

Guð gefi ykkur gleðilega páskahátíð!

Hjólreiðar - lag dagsins

2010-03-09T14:40:00.015Z

Reiðhjól, reiðhjól, reiðhjól
Ég vil hjóla á reiðhjóli mínu, reiðhjóli, reiðhjóli
Ég vil hjóla á reiðhjólinu mínu
Ég vil hjóla á hjólinu mínu
Ég vil hjóla á reiðhjólinu mínu
Ég vil hjóla þar sem mér sýnist

Þú segir svart. Ég segi hvítt.
Þú segir gelt. Ég segi bit.
Þú segir hákarl. Ég segi hey gaur,
ég fílaði aldrei Jaws
og mér finnst Star wars leiðinlegt.
Þú segir Rolls. Ég segi Royce.
Þú segir Guð. Gefðu mér val.
Þú segir Drottinn. Ég segi Kristur.
Ég trúi ekki á Pétur Pan,
Frankenstein eða Súperman.
Það eina sem ég vil gera er að

Hjóla, hjóla, hjóla
Ég vil hjóla á reiðhjóli mínu, hjóla, hjóla
Ég vil hjóla á reiðhjólinu mínu
Ég vil hjóla á hjólinu mínu
Ég vil hjóla á reiðhjólinu mínu
Ég vil hjóla á hjólinu mínu

Hjólreiðakeppni er á leið í átt til þín.
Svo gleymdu öllum þínum skyldum, ó já!
Stelpur með stóra rassa munu hjóla í dag
Svo líttu eftir þessum dásemdum, ójá
Takið ykkur stöðu, tilbúin, af stað!
Reiðhjólakeppni, reiðhjólakeppni, reiðhjólakeppni
Reiðhjól, reiðhjól, reiðhjól
Ég vil hjól á reiðhjólinu mínu
Reihjól, reiðhjól reiðhjól
Reiðhjólakeppni.

Þú segir kók-. Ég segi –aín.
Þú segir John. Ég segi Wayne.
Heit pylsa. Ég segi kældu þig maður,
ég vil ekki vera forseti Bandaríkjanna.
Þú segir brostu. Ég segi ostur.
Cartier? Ég segi já takk!
Tekjuskattar. Ég segi Jesús!
Ég vil ekki vera frambjóðandi
til Vietnam eða Watergate.
Því það eina sem ég vil gera er að

Hjóla, hjóla, hjóla!
Ég vil hjóla á reiðhjólinu mínu, hjóla, hjóla
Ég vil hjóla á reiðhjólinu mínu
Ég vil hjóla á hjólinu mínu
Ég vil hjóla á reiðhjólinu mínu
Ég vil hjóla þar sem mér sýnist.

Tvískinnungur

2010-01-29T10:01:00.002Z

Bandaríkjamenn hafa löngum verið soldið spes. Ég var að lesa slúður á mbl.is um daginn og elti krækjuna á upprunalega frásögn af málinu. Þar rakst ég á mjög áhugaverða grein um brjóst kvenna, nánar til tekið stór brjóst og þá furðulegu mótsögn sem felst í því að sé kona með stór brjóst frá náttúrunnar hendi eigi hún ekki að sýna brjóstaskoru eða flagga því sem guð gaf henni á nokkurn hátt, helst að vera bara í rúllukragabol en sé kona með stór brjóst sem hún borgaði fyrir eigi hún fullan rétt á að sýna vörurnar og skyldi ekki skammast sín fyrir.

Mér fannst þetta bara svo merkilegt að ég verð að deila þessu með ykkur. Greinin er hér.

Sumarbústaður

2010-01-07T09:57:00.003Z

Sælar elskurnar mínar og gleðilegt ár.

Ég var aðeins að sböggulera. Erum við ekki að fara í sumarbústað eftir viku??? Ætlum við ekki að plana eitthvað eins og t.d. hvað við ætlum að borða, hverjar mæta hvenær og finna eitthvað þema. Hvað segið þið um APPELSÍNUGULT??

Ég væri alveg til í mexíkanskar búrrítur á föstudags-eða laugardagskvöld og er alveg til í græja það enda frystirinn fullur af eðal nautakjöti frá Lambhaga :)

Eru þið byrjaðar að sböggulera??

Loforð

2009-12-29T16:31:00.014Z

Nýjársheit eða áramótaheit, markmið á nýju ári, markmiðasetning - ekki mjög sexý orð. Mér finnst betra að tala um loforð, loforð sem ég gef sjálfri mér. Lofa sjálfri mér að gera einhverja hluti - ganga á Heklu, léttast, fara til útlanda, fá 10 á prófi.

Til að ná árangri og standa við loforðið er gott að skrifa það niður, skrifa niður hvað mig langar að gera, hvað ég vil eignast, hvert ég vil fara, því það er ég sem ákveð hvað framtíðin ber í skauti sér, ég tek ákvarðanir um hvert líf mitt stefnir. Út á það gengur markmiða-setningin, að taka stjórnina í sínu lífi, taka stefnuna þangað sem maður vill fara.

Það skiptir ekki máli hvaðan ég kem eða hvað ég hef gert hingað til. Það sem skiptir máli er hvað ég ætla að gera héðan í frá. Ég get ekki breytt því sem liðið er og ég vel að líta á það sem liðið er sem þroska og lærdóm, vel að læra af mistökunum og líta á þau sem uppbyggjandi þrep á þroskaleiðinni frekar en mistök eða eitthvað sem ég hefði ekki átt að gera eða gera öðruvísi. Að gera mistök er allt í lagi og ég vel að líta á þau sem lærdómsferli. Það er ekkert að því að gera mistök, ég reyni bara að læra af þeim og ekki að gera þau aftur og aftur.

Þegar maður velur að breyta einhverju í lífi sínu eða fari sínu, borða minna, létta sig, hreyfa sig meira, taka til í fjármálunum þarf maður að taka á því. Maður þarf að stíga upp úr sófanum og fara út af öryggismottunni, út fyrir þægindasvæðið, upp úr drullupolli meðalmennskunnar. Það er ekki alltaf auðvelt, en það er ekki hægt að vænta árangurs án erfiðleika og sársauka. Til að ná árangri verðum við að taka áhættu. Til að ná fram þessum breytingum verðum við að setja okkur markmið, setja niður á blað hvað við ætlum að gera, hvernig við ætlum að breyta ástandinu, hvaða leið við ætlum að fara til að ná árangri, ná markmiðinu, standa við loforðið. Það þýðir ekkert að segjast endalaust ætla að reyna, reyna, reyna, reyna. Við verðum að gera hlutina, ganga í málið. Taka stjórnina í lífi okkar.

Ein leið til að standa við loforðið er að skrifa markmiðin sem við setjum okkur, skrifa loforðið á blað og gera áætlun um hvernig við ætlum að standa við það. Sannfæra okkur sjálf um að markmiðið sé þess virði að leggja erfiðið á sig. Sannfærast um að markmiðið sé það mikill hvati að við tökum staðfasta ákvörðun um að breytast, hætt að reyna – gera bara hlutina. Skrifa markmiðið hjá sér, vera einlægur og trúr sjálfum sér. Til að sem best takist er gott að fylgja þessum tíu skrefum:

Þróaðu með þér ákafa til að gera eitthvað í þínum málum. Taktu svo staðfasta ákvörðun, hingað og ekki lengra, nú er komið nóg og nú breytirðu. Taktu staðfasta ákvörðun af þrá til að ná ákveðnu markmiði. Finndu bæði jákvæða og neikvæða hvata fyrir breytingunum og skrifa þá niður. Finndu ástæður fyrir því af hverju þú leggur af stað í ferðina.
Þróaðu með þér sannfæringu, að þú trúir því sjálf að þú getir náð markmiðinu. Settu þér raunhæf markmið svo þú trúir því í hjarta þínu að þú komist alla leið, að þú náir markmiðinu.
Kannski mikilvægasta skrefið – skrifaðu niður hvað þú ætlar að gera, hvernig þú ætlar að gera það, hvenær, af hverju og fyrir hvern. Skrifaðu niður markmiðin, skrifaðu niður hvaða árangri þú ætlar að ná. Ef þú skrifar þau ekki niður eru þau bara þrá, ósk, draumur. Því meiri tíma sem þú setur í að skrifa markmiðin niður og því meira sem þú vandar þig við orðavalið, því oftar sem þú lest markmiðin því sannfærðari verðurðu um að vinna að því að ná þeim. Ekki segja: ég ætla að reyna að gera þetta eða hitt eða mig langar að verða svona eða hinsegin, heldur: ég ætla að ná þessu markmiði með því að gera eitthvað á þessum degi, á þessum tíma í þetta langan tíma. Innri tjáskipti skipta máli, vera ákveðin og sannfæra sjálfa sig, trúa því að geta náð árangri.
Þegar þú ert búin að ná markmiðinu þarftu að velta þér upp úr því hvernig þér líður og njóta þess að hafa náð markmiðinu, náð árangrinum og skrifa upplifunina niður. Skrifa niður jákvæða hluti sem það hefur í för með sér að ná markmiðinu. Tafir, hindranir og mistök eru óumflýjanlegur þáttur þess að sigra sjálfan sig svo þú skalt ekki láta það afvegleiða þig.
Skilgreindu stöðu þína eins og hún er í dag. Vertu hreinskilin og heiðarleg við sjálfa þig. Ekki blekkja þig, vertu raunsæ og skynsöm. Ekki ýkja ástandið heldur, vertu heiðarlega og raunsæ.
Bútaðu markmiðið niður í smærri einingar og tímasettu hvern hluta vel. Skipuleggðu þig. Ef þú nærð ekki markmiðinu þá endurskipuleggurðu og setur þér raunsærri tímamörk.
Líklega besta skrefið. Gerðu lista yfir allar mögulegar hindranir sem þú getur komið að á leið þinni að markmiðinu. Gerðu lista yfir allt sem gæti fellt þig á leiðinni, vertu viðbúin því versta og taktu því sigrandi og undirbúin þegar þú kemur að því. Það tekur þrjár vikur fyrir daglega athöfn að verða að vana. Til dæmis að breyta svefnmynstrinu, gera hreyfingu að reglu, borða ekki eftir klukkan átta á kvöldin. Þessar þrjár vikur verða erfiðar og jafnvel sársaukafullar en þú kemst yfir það ef þú ert nógu áköf í að ná markmiðinu.
Hvað ætlarðu að gera til að ná þessu markmiðið sem þú ert búin að setja þér? Veldu eitthvað sem þér þykir skemmtilegt, spennandi, áhugavert. Hvað er það sem þig langar að gera, þykir spennandi? Ekki velja eitthvað sem þér þykir leiðinlegt, eitthvað sem verður kvöð, sem er dæmt til að mistakast. Finndu þína eigin leið og farðu af stað með því hugarfari að gera eins vel og þú getur.
Gerðu lista yfir alla sem gætu á einhvern hátt hjálpað þér eða veitt þér aðhald á leiðinni að markmiðinu og deildu markmiðinu með þeim. Það er hvetjandi að þurfa að standa sig gagnvart öðrum og þeir geta líka veitt stuðning og hvatningu.
Gerðu þriggja vikna áætlun. Skrifaðu áætlun fyrir næstu þrjár vikur, hvað, hvernig , hvenær, með hverjum. Fyrstu þrjár vikurnar eru erfiðastar – eftir það verður þetta að venju.

Sjálfsagi verður auðvitað að fylgja með í þessari ferð, það kostar sjálfsaga að halda sér við efnið þegar andrúmsloftið sem markmiðin voru sett í varir ekki lengur. Þú þarft að veita þér aðhald, minna þig stöðugt á, skoða markmiðin á hverjum degi og fylgja þeim eftir. Markmiðin eiga að þjóna þér, eiga ekki að vera annað en það sem þig langar af allri hjartans þrá að gera. Ef markmiðin hætta að þjóna þér eða það gengur erfiðlega að ná þeim skaltu endurskoða þau og finna aðrar leiðir til að ná þeim. Um leið og markmiðin fara að vera kvöð skaltu endurskoða þau og vita hvort ekki sé hægt að fara aðra leið í stað þess að gefast upp. Því að gefast upp verður líka að vana.

Jólabrúðkaup

2009-12-26T22:15:00.011Z

Þegar ég heyrði að móðursystir mín væri að fara að gifta sig varð ég ósköp glöð og spennt fyrir hennar hönd. Þegar ég heyrði hvaða dag hún hafði valið til atburðarins varð ég minna glöð og spennt. Hún valdi nefnilega mesta letidag ársins, sem að mínu áliti ætti að vera lögbundinn náttfatadagur, jafnt og Nýársdagur er lögbundinn fánadagur - já, hún valdi annan dag jóla.

Ég var að koma heim úr veislunni. Þetta var ósköp afslappað og óhefðbundið og yndislegt brúðkaup. Um fimmtíu gestir, frá 2ja ára uppí 82ja ára. Kalkúni og heimareykt hangikjöt með tilbehör og ís-brúðkaups-terta og heimagerðar sörur. Limrur og ýmis skáldskapur annar, ræður, myndir, söngur, glens og gaman.

Meðal margra annarra laga sungum við Vísur um vatnið, texta eftir Einar Steinþórsson við lagið Ísland er land þitt. Þær eru hér.

Íslenska vatnið frá öræfum streymir,
Íslenska vatnið í jöklunum býr,
Íslenska vatnið í æðum þú geymir,
Íslenska vatnið sem hverflunum snýr,
Íslenska vatnið, það orkuna gefur,
Íslenska vatnið er þjóðinni hnoss.
Íslenska vatnið, já, aldrei það sefur,
Íslenska vatnið sér breytir í foss.

Íslenska vatnið í úthafið rennur,
Íslenska vatnið er svalandi lind.
Íslenska vatnið er afl þegar brennur
Íslenska vatnið er spegill, þín mynd.
Íslenska vatnið er örlátt við gróður,
Íslenska vatnið er laxinum slóð.
Íslenska vatnið er ótæmdur sjóður,
Íslenska vatnið er kært vorri þjóð!

es.myndin er af Goðafossi.

Bestu óskir um gleðileg jól gott og farsælt komandi ár

2009-12-24T17:12:00.005Z

Kæru sveinsínur

Bestu óskir um gleðileg jól gott og farsælt komandi ár.

Þakka alla vináttuna á liðnum árum, þið eruð frábærar!

Jólaknús og kossar

Edda Kamilla

Hjónabandið

2009-12-12T18:59:00.003Z

Fleirum en mér finnst ótrúleg og undarleg græðgin sem hefur gripið föður og bróður Stiegs Larsons heitins. Hildur Helga Sigurðardóttir skrifar pistil um þetta efni í dag, reyndar í tengslum við höfundarrétt frekar en hjúskaparrétt, sem er það sem ég er að velta fyrir mér núna, svona á þessum síðustu skrefum próflesturs (alltaf að fresta!)

Oft hef ég haft orðaskipti við fólk um erfðarétt eftirlifandi maka. Þá í tengslum við það að vera eingöngu skráð í sambúð eða vera í hjónabandi. Einu sinni vann ég með konu sem var ekki gift og hún ætlaði sko ekki að gifta sig. Hún var í skráðri sambúð með sínum maka og það var nóg að hennar áliti. Þau voru með allt skráð til helminga, bílinn, húsið, golfsettið, örbylgjuofninn ... og þannig taldi hún sig vera fjárhaglsega örugga með sitt ef kallinn félli frá um aldur fram.

Það var alveg rétt skilið hjá henni að hún fengi helming eigna við fráfall, þannig er það þegar fólk er skráð í sambúð. En hlutirnir eru bara ekki svo einfaldir þegar kemur að erfðamálum. Þegar par skráir sig í sambúð skráir það eignir sínar saman, hann á helming, hún á helming. Ef parið eignast börn er það dásamleg guðs blessun. Ef svo óheppilega vill til að annað þeirra deyr fyrir aldur fram, börnin skiptast eignir þannig að hinn eftirlifandi fær sinn helming eignanna og börnin erfa helming þess látna.

Sama dæmi, nema hér er parið búið að gera hjúskaparsáttmála, ganga í hjónaband. Annar deyr um aldru fram. Sá sem eftir lifir fær sinn helming, sín 50% OG erfir svo maka sinn, fær helming af hans helming. Að endingu skiptist hinn helmingur þess sem hinn látni átti á milli barna ef einhver eru.

Ef við setjum þetta upp í tölum fær sá sem er einungis skráður í sambúð 5000 kr. af tíuþúsundkallinum en sá sem er í hjónabandi fær sinn 5000 kall og svo 2500 kall = 7500 kall.

Þetta eru hjúskaparlögin á Íslandi. Þessi ágæta samstarfskona mín var mjög æst yfir þessu því hún leit á það sem nauðsyn að hafa kirkjuathöfn til að ganga í hjónaband. Hún vildi með engu móti gifta sig í kirkju, trúði ekki á guð og fannst óþarfi að blanda honum í málið. Þar var einmitt hennar stóri misskilningur.

Hjúspakarsáttmálinn sem fólk gerir þegar það gengur í hjónaband, sama hvort það er gert hjá sýslumanni eða presti, er sá sami. Reyndin er bara sú að hér á Íslandi (og eingöngu á Íslandi, ef mér skjátlast ekki) hafa prestar þennan rétt til jafns við sýslumann, að gefa fólk saman í ljósi laganna. Þetta er arfur frá því við vorum undir Dönum og kóngurinn var að spara sér embættismennina og veitti prestum hér á Íslandi þennan rétt. Prestar annarsstaðar hafa hann fyrirleitt ekki. Í nánast öllum öðrum löndum þarftu að fara á báða staði ef þú vilt líka blessunarathöfn.

Það er bara svo oft sem fólk ruglar saman þessari fallegu, rómantísku hugmynd um blessun og vígslu í kirkju og veislu þar sem fagnað er og glaðst í hópi vina og ættingja og svo praktísku hliðinni á hjúskaparsáttmálanum sem kemur rómantíkinni lítið við, lagalega í það minnsta. Ruglar saman á þann veg að það heldur að það sé ekki hægt að hafa eitt án hins.

Ég mæli með því að vera líka svolítið praktísk þegar við hugsum um hjónabandið og teljum okkur ekki þurfa að gera þennan hjúskaparsáttmála. Ég legg til að við hugsum um erfðamál, réttindi og fjárhafslegt öryggi - því eins og Hildur Helga sagði, það veit enginn sína ævi fyrr en öll er - og ég tala af reynslu!

Bústaður

2009-12-01T21:48:00.003Z

Þá er Vísa skvísa komin og það væri gott að fá smá aura frá ykkur ;)

Mér telst til að það séu átta skvísur sem búnar eru að samþykkja ferð. Þar fyrir utan er Helga sem kannski mætir og Bríet sem kíkir.

Þessar eru alla vega búnar að melda sig JanaGuggaAllaIngaHallaKristínMargrétÓsk.

Svo 14.800 krónur deilt með 8 gera 1850 krónur á mann ;)

Tölurnar eru svona.
kt. 250277-5989
0114-26-5055

Hlakka til að sjá ykkur 15. janúar.

kv. Jana

Fresturnarárátta

2009-12-01T00:27:00.005Z

Það er löngum vitað að þegar ég á að vera að lesa og læra fyrir próf leggst ég í einhverja bölvaða vitleysu, skúra, setja í þvottavél, taka til í skápnum á baðherberginu, skipta um á rúminu, horfa á vídeó, gera aðventukrans, taka til í tölvunni ... allt annað en það sem ég á og þarf að vera að gera - lesa skólabækur! En það er bara gaman að rifja upp þessa gömlu, góðu takta, snúa sólarhringnum soldið við, fara seint að sofa, seint á fætur ....
Í því sem ég var að taka til í tölvunni hjá mér rakst ég á kvikmynd sem ég hafði ekki séð, Ghost town með Ricky Gervais (þarna úr breska Office). Hún kom mér svo yndislega á óvart þessi mynd. Rómantísk, gamanmynd en samt ekki rómantísk gamanmynd. Ég hló svo mikið á einum stað að ég hélt ég myndi hósta upp öðru lunganu. Ricky er auðvitað mjög fyndinn en Téa Leoni er líka svo mikið æði, hún er dásamleg gamanleikkona.

Gleðilega aðventu!

Afmælisbarn dagsins

2009-11-19T11:38:00.002Z

TIL HAMINGJU MEÐ DAGINN KÆRA INGVELDUR.

ÞÚ ERT OG VERÐUR ALLTAF PÆJA

Bústaður 15.-17.janúar

2009-11-11T22:34:00.002Z

Jæja búin að panta...væri gott að þeir sem ætla að koma myndu skrá sig svo við getum deilt upphæðinni áður en ég fæ vísareikninginn ;)
kv. Jana

Kristjana Pálsdóttir
Eign: Heiðarbyggð - Háimói 3
Komutími: 15.1.2010 kl:16:00
Brottför: 17.1.2010 kl: 12:00
Verð 14800 krónur
Punktafrádráttur: 4

Smelltu hér fyrir nánari upplýsingar

Húsið er 87 m² með þrjú svefnherbergi, tvö með hjónarúmi auk barnarúms og eitt herbergi er með tveimur kojum. Stofa er vel búin húsmunum með útvarpi/geislaspilara og sjónvarpi. Þráðlaust net. Sængur, koddar og teppi eru fyrir átta. Ekki er séð fyrir sængurverum, lökum, diskaþurrkum og borðtuskum. Í eldhúsi eru öll algeng eldhúsáhöld og rafmagnstæki s.s. uppþvottavél, eldavél, ofn, örbylgjuofn, ísskápur, kaffivél, samlokugrill, blandari, vöfflujárn, þeytari og brauðrist. Barnarúm og barnastóll er í húsinu. Kolagrill og gasgrill fylgja húsinu. Stór 40m² verönd og heitur pottur er fyrir utan húsið. Í húsinu eru allar helstu hreinlætisvörur s.s. handsápa, uppþvottalögur, ræstiefni og salernispappír.
ATH. Gæludýr stranglega bönnuð.

Fermetrar 87
Fjöldi herbergja 3
Fjöldi rúma 8
Fjöldi sænga 8
Heitur pottur Já
Grill Já
Sjónvarp Já
Útvarp Já
Fjöldi borðbúnaðar 12
Barnastóll Já
Barnarúm Já
Fjarlægð í verslun 5
Örbylgjuofn Já

Mánudagur til mæðu

2009-10-30T12:12:00.003Z

Svo glannaskapur minn verði ykkur hinum víti til varnaðar!

Ég fór til tannlæknis á Selfossi á mánudagsmorgun eldsnemma. Gisti í Hlíð með mömmu um nóttina og fór svo beint í bæinn eftir tannsteinshreinsun hjá Steina. Ég var ekki í tímahraki, bara svo það komi fram í þættinum. Klukkan var ekki orðin 9 þegar ég fór frá Selfossi og kennslustundin skyldi ekki hefjast fyrr en kl.10 - svo ég hafði nægan tíma og enga ástæðu til að fara yfir löglegan hraða ... sem ég hélt ég hafði ekki gert. Þar til annað kom í ljós.

Ég var að opna póstinn minn núna. Tvö bréf. Annað frá Lýðiheilsustöð. Ég hélt að það hefði ekki góðar upplýsingar, enda ég nýkomin úr krabbameinsskoðun. Nei, það var nú bara til að láta mig vita að ég fái spurningalista frá þeim einhvern næstu daga. Hitt er frá Lögreglustjóranum á Snæfellsnesi. Hraðasekt upp á 10.000 kr. Já, 10.000 kr. en ef ég greiði fyrir 12.nóv lækkar hún í 7.500 kr. Svo ég vitni beint í bréfið: "Hraðamyndavél (Suðrulandsvegur, Kirkjuferja, Ölfuss) hefur ljósmyndað ökutæki þitt og ökumann þess í umrætt sinn (mánud.26.okt.kl.8:57) vegna ofangreinds borts." Og hvað var ég að keyra hratt? Ég var á 97 km/klst.
Ég gengst alveg við því að hafa verið á 97 km/klst. og það er 7 yfir hámarkinu svo ég borga þessa sekt bara.

Já, svona eftir á að hyggja var þetta virkilegur mánudagur til mæðu. Hraða- og stöðvunarbrotssektir (gleymdi að setja P-kortið í gluggann í skólanum) og svo féll tíminn niður!

Við erum tveir úr Tungunum og til í hvað sem er!

2009-10-17T18:30:00.003Z

myndin fengin að láni hjá pressan.is

Sinubruni og of hraður akstur

2009-10-15T02:06:00.001Z

Í þéttbýliskjarna einum á Íslandi starfa nokkrir embættismenn. Má þar nefna sýslumann, lögreglustjóra, prest og slökkviliðsstjóra. Allir þessir embættismenn starfa hjá íslenska ríkinu og þeim ber sem slíkum að fara eftir ákveðnum lögum og reglum um framkomu og hegðun.

Það er nú samt svo að í þessum þéttbýliskjarna eru menn af gamla skólanum og á þeirri skoðun að best sé að viðhafa það sem maður lærði í æsku.

Sýslumaðurinn lærði á sínu æskuheimili að það er í lagi að kitla pinnann aðeins, sérstaklega ef maður er einn í bílnum á fáförnum vegi. Maður er svo sem ekki að skapa neinum hættu, bara sjálfum sér.

Lögreglustjórinn var vanur því þegar hann var pjakkur að pabbi hans kom stundum heim á bílnum eftir að hafa skoppið á næsta bæ að hitta fjallferðarfélagana svo honum þykir það eðlilegasti hlutur í heimi að keyra heim eftir fjörugt matarboð á föstudagskvöldi með veiðifélögunum þar sem vel er veitt, hvort eð er svo stutt heim, bara þremur götum neðar í hverfinu og maður fer ekki hratt.

Slökkviliðsstjórinn var að brenna sinu í sumarbústaðarlandinu hjá sér síðasta vor og það fór frekar illa. Honum fannst það samt í lagi því hann hafði alist upp við þetta.

Presturinn lagði í vana sinn að leita huggunar hjá unglingstúlkum. Það gaf honum svo mikinn styrk að faðma þær og kyssa. Í hans fjölskyldu er venja að faðma og kyssa þá sem manni þykir vænt um. Þar eru allir svo hlýir og alúðlegir hver við annan.

Svo lögreglustjórinn varð alveg óður þegar strákarnir á vaktinni stoppuðu hann á föstudagskvöldið og létu hann blása. Sýslumaðurinn var ekki par sáttur þegar hann fékk hraðasektina í póstinum ásamt myndinni úr vélinni í Göngunum. Verst var það þó fyrir prestinn að vera kærður fyrir kynferðislega áreitni.

Ertu búin í hárgreiðslu dúllan mín?

2009-10-14T20:59:00.004Z

Hverjum datt þetta snilldarverk í hug?
Ég horfi á þessar auglýsingar með mikilli athygli og eftirvæntingu.
Þær eru uppfullar af hugmyndaauðgi og ímyndunarafli!
Við Íslendingar skulum ekki gleyma því að við erum komnir af
stórhuga mönnum og (útrásar)víkingum!

Hinrikssystir, Stúlka Steinsdóttir

2009-10-13T21:17:00.000Z

Jæja jæja, þá er ég loks búin að átta mig á að barnið á heimasíðu og bæta henni á listann góða ... sem virðist bara lengjast og stækka endalaust, svona eins og Sveinsínubörnin öll.

Elsku Bríet, til hamingju með dótturina. Hún er dásamleg með allt þetta hár!

Bústaður

2009-10-07T14:54:00.003Z

Já sælar verið þið og takk fyrir síðast.

Nú fer fram kosning um hentuga helgi.

15.-17. janúar
22.-24. janúar
29.-31. janúaar

Staður Heiðarbyggð á Flúðum.
Verð: 14.800.

Koma svo!!!

Hljóðnar nú haustblær

2009-10-02T19:02:00.002Z

Dásamlegt ljóð um haustið.

Hljóðnar nú haustblær húsið við rótt.
Dvelur við dyrnar drungaleg nótt.
Fljúga þá fuglar flestir sinn veg,
kvakandi kvíðnir kvöldljóðin treg.

Svífur burt sumar sólar í lönd,
kveður létt kossi klettótta strönd,
ljósu frá landi leysir sitt band,
byltist þung bára bláan við sand.

Breiðir svo húmið hljóðlátan væng,
milt eins og móðir mjúkri hjá sæng.
Fjúka um foldu fölnandi blóm,
hlýða á haustsins helkaldan dóm.

Matarkarfan

2009-09-19T12:12:00.004Z

Svo virðist sem það sé kreppa á Íslandinu góða. Í það minnsta eru sagðar fréttir af því í dagblöðum og sjónvarpi að fólk hafi minni pening milli handa og þurfi að taka upp ýmis sparnaðarráð sem næsta kynslóð á undan okkar notaði. Mér finnst reyndar bara fallegt hvað konur hafa tekið upp á því að prjóna meira og nú síðast í morgun las ég frétt þess efnis að ekki sé bara um aukinn prjónaskap að ræða heldur sé mikið að gera í verslunum á borð við Virku og Vogue þar sem sala á efnum hafi aukist mjög og nýtni hafi greinilega hafið innreið sína á heimilin í landinu því bætur seljast eins og heitar lummur - nú á að rympa í, stoppa í, setja bætur, laga og hressa uppá notaðar flíkur frekar en henda þeim og kaupa nýjar. Ég segi það, ýmislegt gott getur komið út úr þessum fjárhagserfiðleikum okkar líka, þetta er ekki bara böl og sorg.

Eitt af því sem skotið hefur upp kollinum og er mjög gott hjálpartæki hinnar hagsýnu húsmóður er heimasíðan matarkarfan.is. Þar er að finna tilboð í öllum helstu matvöruverslunum á einum stað. Nú er bara að taka upp á því að nýta föstudagskvöldin við að gera matseðil fyrir vikuna og innkaupalista í samræmi við hann, skella sér á matarkarfan.is og finna út hvar sé hagkvæmast að versla og fara svo í búð á laugardegi, eftir morgunmat. Munum bara að fara ekki svangar í búðina og fara eftir innkaupalistanum!

Haustverk

2009-09-12T11:48:00.006Z

Steinn Vignir tók þessa geggjuðu mynd þegar hann fór á fjall síðastliðið haust.

Mér finnst haustið skemmtilegur tími -ætli það sé ekki önnur uppáhalds árstíðin mín. Það er svo margt að gerast á þessum tíma. Fjallferðir, réttir, slátrun. Skólar að hefjast, kennsla og nám fer af stað. Ný vináttubönd myndast. Daginn tekur að stytta og myrkrið heldur innreið sína. Kertaljós kvikna og teppi rata í sófana. Stelpur fara í haustferðir og leika búaleik.

Hönk vikunnar

2009-08-31T20:43:00.004Z

*andvarp*

Alexander er æði. Pabbi hans er líka æði, kannski ekki sem hönk, en sem leikstjóri og leikari. Alexander er æði á alla kannta, sexý, kyssulegur, hugsandi, sexý, hávaxinn, hæfileikaríkur, sexý, ekki skemmir fyrir að hann er sænskur og já, sexý! Þið skiljið þetta þegar þið horfið á True blood ...

Ég var á hárgreiðslustofunni þegar ég sá þetta myndband fyrst, við Þórir vældum fyrir þessu ... mjááá. Lady Gaga er ógeðslega töff.

Lady Gaga - Paparazzi (Official Music Video)

Fyrir nokkrum misserum átti hinn ágæti maður Johan Renck lag vikunnar og gott ef hann var ekki líka hönk vikunnar. Hver getur fundið tenginguna á milli Johans og þessa myndbands með Lady Gaga?

Shared via AddThis

Sveinbörn tvö

2009-08-28T20:22:00.003Z

Möggu Steinu og Hadda fæddust tveir hressir drengir í gær. Þeir voru teknir með keisara og heilsast móður og sonum vel samkvæmt síðustu fréttum. Sveinsína óskar nýbökuðum foreldrum til hamingju með nýjustu viðbæturnar við fjölskylduna þeirra sem er ekki lengur lítil, heldur stór!

Sveitaferð ...

2009-08-27T20:24:00.003Z

... það er svo hressandi að fara'í sveitaferð :)

Móðir mín, foreldrar hennar og systur hafa góðfúsla lánað mér sveitasetur fjölskyldunnar, Hlíð í Grafningi, til að halda hressilegt stelpupartý með vinkonum mínum!

Ykkur Sveinsínum er öllum boðið í partýið laugardaginn 26.september næstkomandi. Hugmyndin er að hittast uppúr hádegi eða um eftirmiðdaginn, elda kvöldmat saman, drekka og vera fullar og vitlausar, fara í heita pottinn, drekka meira, verða enn fyllri og að endingu drepast í sófum og rúmum á víð og dreif um húsið,
vakna svo nálægt hádegi sunnudaginn 27.september, útbúa brunch að hætti Breta með beikoni, eggjum, pönnukökum og hlynsýrópi, éta fylli okkar, taka saman og fara heim.
Þema kvöldins verður "slaufur í hárið".

Hvað eigum við að borða á laugardagskvöldinu?
Hver verður drykkur kvöldsins?
Mojito?
Cuba libre?
Screwdriver?
Egils gull light?
Yellow tail?

Halla Eiríksdóttir

2009-08-19T16:50:00.002Z

"Þetta alveg hárrétt" segir gyðjan Halla Eiríksdóttir um samning hennar við Hugh Hefner. En í væntanlegu október hefti Playboy mun Halla príða bæði forsíðu og opnu. "Þetta er einstakt tækifæri til að koma sér áfram innan brasans í Hollywood" segir þokkagyðjan Halla. Við óskum þessari ljósuhærðu snót til hamingju með árangurinn.

Guðbjörg Guðjónsdóttir

2009-08-19T15:31:00.002Z

"Jú, ég hlakka mjög til" segir Guðbjörg um væntanlega tökur á þáttunum The Wifes at SelfossCity. En um ræðir nýjan raunveruleika þátt í anda Sex and the city eftir hjónaband og um fyrsta þáttaröðin verða sýnd á stöð 2 eftir áramótin. Við óskum þessari gullfallegu sveinsínu til hamingju með komandi þáttaröð.

Kvenkyns Jude Law?

2009-08-19T10:23:00.000Z

Rakst á þessa þessa mynd inni á http://www.harpersbazaar.com/beauty/beauty-articles/supermodels-without-makeup-0909?click=pp Dæmi hver fyrir sig.

Afmælisbarn ágústmánaðar!

2009-08-13T09:29:00.003Z

Til lukku með daginn um daginn elsku Halla okkar!!!

Verslunarmannahelgin

2009-07-28T22:16:00.001Z

Sælar Sínur,

Nú er hin margfræga Verslunarmannahelgi rétt handan við hornið. Einhverntímann hefði nú verið mikið um plön fyrir slíka helgi í okkar fríða vinkvennaflokki. Nú er hins vegar öldin önnur. En þrátt fyrir að við séum nú ekki seytján vetra lengur þá gæti nú verið gaman að lyfta sér eitthvað pínulítið upp og skvetta til taglinu. Hvað segi þið, eru engin plön í gangi? Ef einhverjum vantar djammfélaga þá er ég alveg til í eitthvað sniðugt.

Mbk. Halla

L.Ú.Ð.I

2009-07-01T09:16:00.003Z

Normallúði - það er flott orð.

Þetta er minn listi:

Uppáhalds sjónvarpsþáttur:
- Band of Brothers
Uppáhalds hljómsveit:
- Robert Plant og Allison Krauss
Uppáhalds matur:
- Nautalund
Uppáhalds bíómynd:
- The Fifth Element
Uppáhalds lag þessa dagana:
- Kóngur einn dag
Uppáhalds fag:
- Matreiðsla og stærðfræði ;)
Ég játa
- ég er nálægt kúrfunni

N.E.R.D

2009-06-29T12:33:00.009Z

Ég játa, ég játa

- ég er lúði.

Uppáhalds sjónvarpsþáttur:

Star Trek:Voyager

Uppáhalds hljómsveit:

Backstreetboys

Uppáhalds matur:

Nachos m.bræddum osti

Uppáhalds bíómynd:

Star Trek XI

Uppáhalds lag þessa dagana:

Lag dagsins, Session

Uppáhalds fag:

Íslensk málfræði

Ég játa, ég játa

ég er ekki í normalkúrfunni!

Um lúgu læðist bréf

2009-06-25T12:26:00.008Z

Þegar ég var yngri vissi ég fátt meira spennandi en að fá bréf. Meira að segja yfirlit frá bankanum glöddu. Bara að fá umslag inn um lúguna merkt mér. Auðvitað var gleðin meiri og endingarbetri ef um var að ræða bréf, pakka eða póstkort frá vini eða ættingja - því verður ekki neitað.

Í dag er það eina sem ég fæ í póstkassann gluggapóstur. Enda er ég komin á fertugsaldur og hef ýmsar skuldbindingar að virða og bankinn er æstur í að minna mig á þær. Þau bréf sem gleðja koma ekki lengur inn um lúguna, heldur á rafrænu formi í tölvupóstkassann.

Orðið 'póstur' þekkja allir en það virðist vefjast fyrir mörgum að velja því rétta tölu þegar kemur að því að beygja það. Eitt og sér er orðið til í bæði eintölu og fleirtölu, póstur og póstar. Oft er orðið notað sem seinni hluti í samsettum orðum og þá fer það algerlega eftir merkingu samsetta orðsins hvort hægt sé að nota það bæði í eintölu og fleirtölu eða eingöngu í eintölu.

Póstur í merkingunni bréf, böggull, kort er óteljanlegt magn svo það er bara til í eintölu, líkt og mjólk. Þess vegna er talað um mikinn póst eða engan póst. Hið sama á við um mann sem dreifir pósti
- Var pósturinn búinn að koma í dag?
Hér getum við ekki talað um marga pósta, heldur verðum við að segja allir póstburðarmenn landsins eru í verkfalli, það gengur ekki að segja allir póstarnir eru í verkfalli. Ef við viljum tala um póstburðarmenn sem pósta í fleirtölu verðum við að nota Póstur sem síðari hluti samsetts orðs. Sem dæmi getum við talað um landpósta og mjólkurpósta.
- Landpóstar voru fáir á Íslandi í upphafi 18.aldar.

Orðið eitt og sér í fleirtölu, póstar, geta meðal annars verið spýtur í gluggum.
- Fallegir þverpóstar í þessum frönsku gluggum.
- Já, gluggapóstarnir í þessu húsi eru listilega útskornir.

Við getum hins vegar ekki talað um gluggapósta í merkingunni bréf sem inniheldur reikning. Þá verðum við að segja gluggapóstur. Og þá erum við komin að ástæðu þessara skrifa. Póstur í merkingunni bréf, böggull, pakki er ekki til í fleirtölu í íslensku máli. Þess vegna er rangt að tala um tölvupósta.
- Tölvupóstarnir sem Hannes og Karl hafa verið að senda sín á milli.
- Mín biðu fimmtán tölvupóstar þegar ég opnaði pósthólfið í morgun.

Aftur, póstur í merkingunni bréf er óteljanlegur svo það er ekki hægt að tala um hann í fleirtölu, hvort sem hann kemur inn um póstlúguna á hurðinni eða í pósthólfið í tölvunni.

Góðar stundir!
Málfarsnazistinn

Hvað keyptirðu marga lítra af mjólk?

2009-06-22T12:46:00.007Z

"Ég ætla að fá einn líter af kóki"

Orðið líter er ekki til í íslenskri orðabók. Þarna er um að ræða áhrif úr ensku sem erfitt virðist vera að uppræta úr orðaforða landsmanna.

Það er soldið skondið en fólk notar þetta bara í eintölu. Ég hef aldrei heyrt mann segja: ég keypti tvo lítera af sólarolíu. Enda ekki rétt að segja svona. Hann ætti frekar að kaupa sólarvörn (hahahahaha) og þá kannski tvo lítra af henni.

Lítri er veikt, karlkyns nafnorð sem beygist á ósköp hefðbundinn hátt.

Lítri-nn
lítra-nn
lítra-num
lítra-ns

lítrar-nir
lítra-na
lítru(m)-num
lítra-nna

Góðar stundir!
Málfarsnazistinn

Milk and coockies

2009-06-18T11:56:00.003Z

Hann er svooooo mikið yndi þessi drengur.

"Can you be any more adorable"?

Afmæliskonan

2009-06-15T10:02:00.003Z

Margrét Harpa á afmæli í dag! Til hamingju með daginn!

Acureyris-skál

2009-06-09T11:24:00.006Z

Sælar Sveinsínur

Hvanndalsbræður eru orðnir án efa eitt mitt uppáhaldsband. Á laugardagskvöldið skellti ég mér á tónleika með Hvanndalsbræðrum og sendi til ykkar stóra skálkveðju í huganum. Mæli eindregið með því að þið kíkið í heimsókn næst þegar þeir eru að spila. Aulahúmorinn er í hávegum hafður og fíla ég hann alveg í botn. Kommentin á milli laga eru ekki síðri en lögin sjálf. Hér má finna eitt tóndæmi http://www.youtube.com/watch?v=rtXYlHtNebc

Læt hér fylgja eitt ljóð sem Rögnvaldur Gáfaði flutti á milli laga.

Af hverju eru kýr með bjöllur?

Þær borða ekki fugla.

Knús og kossar
Edda Kamilla

Pressupennar

2009-06-08T08:58:00.000Z

Pressan er óháður fréttavefur sem fór út á vefinn í lok febrúar á þessu ári.

Ég er voða hrifin af þessum vef. Síðan sjálf er mjög stílhrein og nánast laus við blikkandi auglýsingaglugga svo maður verður ekki óður af áreiti við að lesa það sem á henni stendur. Margir skemmtilegir menn hafa verið fengnir til að skrifa stutta pistla um allt mögulegt á síðuna.

Sá Pressupenni sem mér þykir hvað best að lesa þessa dagana er hún Olga Björt Þórðardóttir. Ég veit ekkert um þessa stelpu annað en að hún er falleg og skrifar um jákvæða og uppbyggilega hluti.

Helena háttvísa er líka kona að mínu skapi. Hún er laus við alla öfga og æsing en bendir fólki á hvernig skuli haga sér í samfélagi mannanna á hvetjandi og uppbyggilegan hátt.

Ég er voða hrifin af þessum vef og finnst gott að kíkja þar inn til að lesa helstu fréttir. Þó að þar séu blaðamenn að störfum er mikið af fréttaefninu tekið af öðrum vefmiðlum. Pressan er bara laus við æsing og áreiti og þess vegna þykir mér svo gott að stoppa þar við.

Hönk vikunnar

2009-06-05T11:46:00.012Z

Þó að hann klæðist stundum kvenmannsfötum er hann ekki í neinum vafa um karlmennsku sína.

Ég man þegar ég sá hann fyrst. Ég laðaðist ekki að honum fyrr en ég heyrði hann tala. Hann hafði allt sem sterkur karlmaður þarf til bruns að bera, hávaxinn, ákveðinn, skarpur og greindur (þó ekki litgreindur) og með sitt á hreinu.

Hann var eitthvað svo sjálfs-öruggur að það var ekki annað hægt en heillast af honum. Hvernig hann sagði hverjum stjórnmálamanninum á fætur öðrum til syndanna og rak þá á gat með gáfulegum athuga-semdum og spurningum. Vá!

Eins og svo margir aðrir má hann muna fífil sinn fegri. Nú er hún Snorrabúð stekkur og hönk vikunnar í raun orðinn hönk síðustu aldar.

En minningin lifir. Minningin um skarpan samfélagsrýni sem lét fátt setja sig úr jafnvægi og hélt hlutleyfis sínu í 180° lárétt, hvergi hallaði á. Nú hefur gremjan og biturðin náð tökum á honum í núverandi þjóðfélagskreppu. Sem er ekki bara fjármálakreppa,heldur siðferðiskreppa, manngildiskreppa og tilvistarkreppa íslensku þjóðarinnar í heild sinni.

Svo bregðast krosstré sem önnur tré.

We made you

2009-06-04T10:49:00.002Z

Ég elska Slim Shady og Marshall Mathers og Eminem!
Hann hefur greinilega engu gleymt í meðferðinni karlinn og kemur sterkur til baka.
Frasar eins og "But Lindsey, please come back to seeing men, Samantha's a 2, you're practically a 10" og "Sorry Portia, but what’s Ellen DeGeneres have that I don't, are you telling me tenderness?" fá mig til að brosa út í bæði í hvert sinn sem ég heyri þá.

Ofnotkun

2009-06-01T16:18:00.000Z

bara
hérna
skiluru
sem sagt
þú veist
sko

Lag dagsins

2009-05-29T13:06:00.002Z

Hún er skrýtin og hún veit það

Hún er skýtin og mér líkar það

Hlustið

Hún grípur gulu flöskuna

Henni líkar hvernig hún lendir á vörum hennar

Hún nær botninum

Það sendir hana í svo rétta ferð

Hún gæti verið á leið heim með mér í kvöld

Hún lítur út eins og fyrirsæta

Nema hvað hún er með aðeins stærri rass

Reyndu það ekki einu sinni

Nema þú hafir þetta sem henni líkar

Ég vona að hún fari heim með mér í kvöld

Þessi blikkandi ljós koma alls staðar að

Hvernig þau lenda á henni ég varð að stoppa og stara

Hún hefur komið mér í ástarvímu

Maður ég sver að hún er slæm og hún veit

Ég held hún viti

Hún er skrýtin og hún veit það

Hún er skrýtin en mér líkar það

Hún stöðvar herbergið

Hvernig hún gengur og veldur látum

Sú versta í bænum

Hún er gallalaus eins og óskorinn ís

Ég vona að hún fari heim með mér í kvöld

Og allt sem hún vill er að dansa

Þess vegna finnurðu hana á gólfinu

En þú hefur ekki tækifæri

Nema þú hreyfir þig eins og henni líkar

Það er þess vegna sem hún fer heim með mér í kvöld

Þessi blikkandi ljós virðast valda störu

Hvernig þau lenda á henni ég varð að stoppa og stara

Hún hefur komið mér í ástarvímu allstaðar

Hún er slæm og hún veit það

Ég held hún viti það

Dans núna

Náðu stelpunni

Þú ert skrýtin en mér líkar það

Heitur djöfull

Leyfðu mér að setja fönkið mitt á í þetta eina skipti

Þessi blikkandi ljós koma alls staðar frá

Hvernig þau lenda á henni ég varð að stoppa og stara

Hún hefur mig í ástarvímu

Ég held ég sé í ástarvímu

Hún hefur mig í ástarvímu

Ég held hún viti, held hún viti ó ó

Þessi blikkandi ljós koma alls staðar að

Hvernig þau lenda á henni ég varð að stoppa og stara

Ég er í ástarvímu hvaðanæva og hún veit

Ég held hún viti

Held hún viti ó ó

Og nú labba ég um áhyggjulaus

Hún kom mér á bragðið

Það er ekki sanngjarnt en ég ...

Ég er í ástarvímu og gæti svarið

Að hún veit

Held hún viti ó ó

Hún veit hún veit ó ó

Beautiful Day

2009-05-27T19:26:00.001Z

World MS dagurinn í dag!

2009-05-24T22:39:00.002Z

Hvað ég vildi óska þess að þið kynnuð ítölsku stundum. Það er varla að ég geti boðið ykkur uppá að horfa á þetta ég skammast mín svo mikið fyrir hönd ítalskra kvenna og karla og framleiðenda sjónvarpsefnis og bara vá!

Þetta er partur úr heimildamynd um líkama konunnar og hvernig hann er afskræmdur í sjónvarpi á Ítalíu í dag. Úrkynjunin er svoooooo mikil að það hálfa væri nóg. Takið eftir þegar komið er að mínútu 5:31 og fram til 6:30 sirka. Stelpur notaðar sem borðfætur - setjum þær í glerbúr með loftgötum á svo allir geti horft á þær og hlegið - Komið á sjöttu mínútu er maður með tvær fallegar dökkhærðar stelpur sitt hvoru megin við sig og lætur þær hafa ávexti. Hann segir við aðra - hér er banani, appelsína, sítróna, epli og réttir henni. Snýr sér svo að hinni og spyr ertu með sítrónu? Nei þú ert ekki með sítrónu, ekki heldur heila - ahahhaha voða fyndið. og svo lemur hann hina í hausinn með míkrófóninum. SKömm skömm skömm. Vá!

Myndablogg II

2009-05-22T17:20:00.000Z

Mér finnst þetta soldið skemmtileg mynd að skoða.

Hver fékk besta sætið?

Hver fékk versta sætið?

Ég öfunda hvorki Árna Johnsen né Þráin Bertelsson af sessunauti sínum, nema við værum á Þjóðhátíð í Eyjum. Þá vildi ég alveg sitja hjá þeim báðum.

Ekki eru þau skoðanasystkyn Guðlaugur Þór og Ólína
Ólína er þekkt fyrir stórt og mikið skap sem henni gengur stundum erfiðlega að hafa stjórn á, en ég vona að hún beri virðingu fyrir nýja vinnustaðnum sínum og taki á honum stóra sínum ...

Mikið er Ragnheiður Ríkharðs heppin - að fá að sitja hjá Höskuldi alla daga í vinnunni.
Og hér á kantinum? Steinunn Valdís og Lilja Mósesdóttir, Pétur Blöndal og Árni Þór saman í hnapp? Hafið mig afsakaða á meðan ég fer og kasta upp ...
... á hvert þeirra er smartast í tauinu.
Talandi um það - hver er virðulegastur og smekklegastur og flottastur í klæðaburði á Alþingi í dag?

Here We Go

2009-05-21T21:29:00.000Z

Í sólbaði

2009-05-20T17:29:00.015Z

Ég lá úti í garði í dag og leyfði sólinni að steikja mig. Öðru hvoru rifaði ég augnlokin og kíkti út á sólina sem var svo hlý og björt. Stöku ský fauk hjá. Himininn var svo blár. Mikið væri dásamlegt að geta krifrað upp á einn þessara mjúku hnoðra og svifið um loftin.

En skýjin eru víst of hátt uppi, of langt í burtu til að ég nái til þeirra. Sólin er enn lengra í burtu. Ef jörðin væri á stærð við fótbolta væri sólin tæpir 30 metrar í þvermál og í um þriggja km fjarlægð frá boltanum okkar. Reyndu að ná utanum það!

Sólkerfi eins og það sem Jörðin tilheyrir ásamt Merkúríusi, Venusi, Mars, Júpíter, Satúrnusi, Úranusi og Neptúnusi er oftast samansett af einni sólstjörnu sem er í miðjunni og svo mismörgum reikistjörnum sem snúast um sólstjörnuna á mismiklum hraða og misnálægt henni, eftir því hversu stór sólstjarnan er og hve mikið aðdráttarafl hún hefur.

Sólin okkar er lítil stjarna í rauninni. Nánast allar stjörnurnar sem við sjáum á himinum á bjartri vetrarnóttu eru sólir annarra sólkerfa. Við getum reyndar séð Merkúríus, Venus, Mars, Júpíter og Satúrnus með berum augum, en ljósið sem kemur frá þeim er endurvarp frá Sólinni - þessar reikistjörnur eru svo "nálægt" okkur að við getum séð ljóið frá þeim. Ef við notum aftur fótboltalíkinguna er Satúrnus bara í 24 km fjarlægð frá okkur.

En eins og áður sagði er Sólin í raun lítil sólstjarna. Þessi mynd hér til hliðar sem ég stal af Wikipediu sýnir hlutföll nokkurra reikistjarna og sólstjarna. Með því að smella á mynina má sjá stærri útgáfu af henni.

Mynd nr.2 sýnir glöggt hvað Satúrnus og Júpíter eru rosalega stórir miðað við Jörðina eða hvað Jörðin er lítil - hún er lengst til vinstri.

En strax á mynd 3 sést hvað Júpíter (lengst til vinstri) er oggulítill við hliðina á Sólinni. Sólin (appelsínugula klessan í miðjunni) er samt ekkert stór því hún hverfur algerlega í skuggann af Síríusi (hvíti boltinn hægra meginn), sólstjörnu úr stjörnumerkinu Stóra hundinum.
Við getum séð Síríus með berum augum á veturna þar sem hann myndar þríhyrning með sólstjörnunum Betelgeuce (Beatlejuce ;o)) og Procyon. Betelgeuce er langstærstu þessara þriggja stjarna eða um 20 sólarmassar. Síríus er 2 sólarmassar og Procyion ekki nema 1,5M.

Til að átta sig á stærðarmuninum er gott að skoða myndir 4 og 5. Mynd fjögur sýnir Síríus lengst til vinstri, eins og haus á títuprjóni. Hægra megin er Aldebaran, RISASTÓR sólstjarna miðað við Síríus. Þá skoðum við mynd 5. Þar er Aldebaran pínkulítill depill vinstra meginn og Betelgeuse stór skopparabolti í miðjunni. Þvílíkt ferlíki!
Þannig líkur Vísindahorni dagsins.
Góðar stundir!

The postal service - Such great heights

2009-05-19T10:02:00.001Z

Þetta er nýja uppáhalds hljómsveitin mín.
Bandarísk blanda af eliktronísku indie poppi.
Hvað finnst ykkur?

Þættinum hefur borist ...

2009-05-18T11:09:00.003Z

... fyrirspurn.

Hvor er réttara að segja að það sé bragð að mat eða bragð af honum.

Yfirleitt er forsetningin að notuð hér, sbr.bragð er að þá barnið finnur, en málhefðin er þó sú að nota forsetninguna af þegar talað er um mat og drykk.

Hér þarf Nasistinn sem sagt ekki að vera mjög ágengur og yfirgangssamur því í raun má nota bæði, bara eftir því sem manni finnst betra - og hér er bæði betra.

Lifið heil.

Hönk vikunnar

2009-05-15T11:44:00.003Z

Svona í tilefni Evróvisjón keppninnar færi ég ykkur Sveinsínum kyntröllið Sakis hinn gríska. Á honum bráðnar súkkulaði og hnjáliðir kvenna detta úr sambandi í návist hans. Ég leitaði og leitaði að honum í Aþenu árið 2004 en fann hvergi. Hann er sjóðandi á svið með hnykkina sína og í magabolnum.

i gotta have more cowbell

2009-05-14T11:02:00.000Z

More Cowbell!!!

Myndablogg

2009-05-12T10:31:00.004Z

Ráðuneyti Ólafs Thors 1944

Ráðuneyti Ólafs Thors 1949

Ráðuneyti Ólafs Thors 1959

Ráðuneyti Ólafs Jóhannessonar 1978

Ráðuneyti Steingríms Hermanssonar 1983

Ráðuneyti Þorsteins Pálssonar 1987

Ráðuneyti Steingríms Hermanssonar 1988

Ráðuneyti Davíðs Oddssonar 1993

Ráðuneyti Davíðs Oddssonar 1999

Ráðuneyti Davíðs Oddssonar 2002

Ráðuneyti Halldórs Ásgrímssonar 2004

Ráðuneyti Halldórs Ásgrímssonar 2005

Ráðuneyti Halldórs Ásgrímssonar 2006

Ráðuneyti Geirs Haarde 2008

Ráðuneyti Jóhönnu Sigurðardóttur 2009a

Ráðuneyti Jóhönnu Sigurðardóttur 2009b

af að og af

2009-05-06T23:15:00.005Z

Íslenska er fallegt tungumál en málfræðilega flókið vegna falla. Tveir orðflokkar geta haft áhrif á fall nafnorðs, sagnorð og forsetningar. Í dag verður fjallað um forsetningar, aðallega forsetningarnar að og af.

Þessi tvö litlu orð hljóma líkt í eyra, erfitt getur verið að greina á milli -ð og -f hljóðs í tali. Þau stýra líka sama falli, þágulfalli. En því miður er ekki alltaf hægt að skipta öðru þeirra út fyrir hitt vegna merkingarmunar. Samkv.íslenskir orðabók er merking orðanna þessi:

af
1. um stefnu, hreyfingu frá e-m stað en einnig um e-ð óhlutbundið
2. um tilfærslu eða breytingu, einnig um óhlutstæð hugtök, efni í hlutum, innihald.
3. um tíma
4. um ástæðu eða orsök e-s, með tilliti til
5. vísar oft til framkvæmanda verknaðar með sögn í þolmynd
6. í ýmsum samböndum

að
1. um stefnu, hreyfingu til e-s staðar, í áttina til e-s, og er haft bæði í eiginlegri og óeiginlegri merkingu
2. um breytingu í eitt úr öðru með aðaláherslu á niðurstöðunni
3. um dvöl á stað
4. um tíma
5. um ástæðu e-s, með tilliti til e-s
6. í ýmsum samböndum
7. í sambandi við ýmsar sagnir

Veitið athygli skýringu nr.1 með báðum orðum - um stefnu, hreyfingu. En það er ekki nóg, gera verður grein fyrir því að af merkir hreyfingu frá einhverju en að til einhvers.

Dæmi: Ég var að leita að þér --> það er að segja, hreyfing, stefna til þín. það er ekki hægt að segja "ég var að leita af þér" því af táknar hreyfingu, stefnu í átt frá viðfangsefninu, þér.

Sama gildir um skýringu nr.2. Þar er talað um breytingu eða tilfærslu en ef notað er af er vísað til þess sem var en hefur breyst og er ekki lengur en ef að er notað er áherslan á það sem er í dag, ekki það sem var.

Dæmi: Hann er kominn af öpum --> það er að segja, fyrst apar, svo þróunarkenning Darwins og þá maðurinn. Ég get ekki sagt "hann er kominn að öpum" nema ég vilji breyta merkingunni algerlega og væri þá að tala um mann í frumskóginum sem væri að leita apa og hefði fundið þá, væri í nálgæð við þá, væri kominn að öpum.

Skýringar 6 og 7 vísa í ýmis orðasambönd sem verða tekin fyrir í næsta þætti.

Myndir

2009-05-04T21:48:00.002Z

Þær sem vilja sjá Acureyraferðina í máli og myndum. Kíkið í myndaalbúmið hér til hliðar.

Ferðasaga og fleira skemmtilegt

2009-05-04T10:12:00.003Z

Er ekki kominn tími til að við fáum að heyra ferðasögu Akureyrarfaranna fræknu?
Þarf ekki að skipuleggja sumarið?
Eru einhverjar utanlandsferðir áætlaðar?
Hver er staðan á barnahópnum? Fjölgar enn frekar á þessu ári?
Er einhver komin með nýja/n kærustu/kærasta?
Er einhver á leið í frekara nám? Að skipta um vinnu?

Hvernig lýst ykkur á að koma á hefð um brunch hitting, svona eins og var hjá Höllu í haust/vetur þar sem allar koma með eitthvað á veisluborðið?

Heima hjá Guggu á laugardag, 9.maí 2009, uppúr eitt. Hún býr í Urðarmóa 3.

píka um klobba frá pjöllu til tussu

2009-05-03T23:14:00.000Z

2009-05-02T14:15:00.000Z

Bill Gates og reglurnar 11

Bill Gates hélt fyrirlestur fyrir unglinga í gagnfræðaskóla í Bandaríkjunum.

Hann talaði um reglurnar 11 sem þau hafa ekki og munu ekki læra um í skólanum.

Hann talaði um agaleysi og nýjar áherslur í kennslu sem munu skila nýrri kynslóð út í þjóðfélagið, dæmdri til að mistakast.

Regla 1: Lífið er ekki réttlátt, reyndu að venjast því.

Regla 2: Veröldinni er sama um þitt sjálfsálit. Allir ætlast til að þú áorkir einhverju áður en þú ferð að vera ánægð/ur með sjálfa/n þig.

Regla 3: Þú munt ekki þéna 4 milljónir á ári strax þegar þú útskrifast úr skóla og þú verður ekki framkvæmdastjóri fyrr en þú hefur unnið fyrir því.

Regla 4: Ef þér finnst kennarinn þinn strangur og erfiður, bíddu þangað til að þú færð yfirmann.

Regla 5: Að snúa hamborgurum á skyndibitastað er ekki fyrir neðan þína virðingu. Amma þín og afi áttu til annað orð yfir það að snúa hamborgurum. Þau kölluðu það TÆKIFÆRI.

Regla 6: Ef þú klúðrar, þá er það ekki foreldrum þínum að kenna svo hættu að væla og lærðu af mistökunum.

Regla 7: Áður en þú fæddist þá voru foreldrar þínir ekki svona leiðinleg eins og þau eru núna. Þau urðu svona eftir að hafa borgað fyrir uppeldi þitt, þvo fötin þín, þrífa til draslið eftir þig og hlusta á hvað þú ert COOL og þau eru hallærinsleg. Svo áður en þú og vinir þínir bjarga regnskógunum og leysið heimsmálin, reyndu þá að taka til og koma reglu á herbergið þitt.

Regla 8: Það getur vel verið að skólinn útskrifi bæði sigurvegara og tapara en lífið gerir það EKKI. Í sumum skólum er hægt að taka sama prófið aftur og aftur. Þannig er þetta ekki úti í atvinnulífinu.

Regla 9: Lífið skiptist ekki í annir og þú munt ekki hafa frí öll sumur. Mjög fáir samstarfsmenn munu hafa áhuga á að hjálpa þér að finna sjálfan þig. Gerðu það í þínum eigin tíma!

Regla 10: Sjónvarpið er ekki raunveruleikinn. Í raunveruleikanum þarf fólk í alvörunni að yfirgefa kaffihúsið og fara í vinnuna.

Regla 11: Vertu NICE við nördana í skólanum, það endar mjög líklega með því að þú þarft að vinna hjá einhverjum þeirra.

2009-04-27T11:30:00.002Z

justin timberlake snl beyonce single ladies video

I love a parade ....

2009-04-20T21:58:00.005Z

... en bara í sól og blíðu með fjölskyldunni.

En skrúðgöngur eru nú ekki það sem hvílir svo þungt á mér núna að ég finni mig knúna til að setja nokkrar línur á blað og deila með ykkur. Heldur er það karlmannsleysið sem íþyngir mér. Samt fékk ég ekki í hnén þegar Guðmundur skólastjóri reyndi við mig um daginn!

Nei, ekki kveikti Guðmundur í mér, heldur blikka ég bara múrarann út um eldhúsgluggann og skil súkkulaðimuffins eftir handa honum, nafnlaust. Blygðunarlaust reyni ég ekki að hylja brjóstaskoruna svo hálfsextugir menn roðna og fara hjá sér en geta samt ekki tekið augn af bringunni á mér. Halla undir flatt og set upp hvolpaaugun og bít á vör til að fá mínu framgengt og hlæ dillandi hlátri að jafnvel ófyndnum bröndurum. Allt þetta til að njóta aðdáunar, fá hrós, athyggli, finnast ég æðisleg, verðug, dáð og þráð!

Ég hef ekki verið kysst í 18 mánuði eða svo. Svo langt síðan að ég man varla hvernig á að kyssa lengur. Man ekki tilfinninguna sem fyglir því að kyssa einhvern. Fá spennusting í mjóbakið. Ég er bara pirruð, uppsökk, hvatvís, hvöss, örg og erfið í umgengni. Ég sé sjaldan mann sem mér finnst aðlaðandi eða kveikir neista, mann sem mig langar að kyssa, koma við, anda að mér. Ég er vonlaus.

Ég kom sjálfri mér á óvart um daginn, upplifun sem gaf vísbendingu um hversu langt er síðan ég hef karlmanns kennt. Ég var að horfa á gamla þætti af Frasier og mér fannst Kelsey Grammer aðlaðandi og kynþokkafullur!